Crime News : राजस्थानच्या (Rajasthan) जयपूरमधील (Jaipur) रेनवाल परिसरात तीन दिवसांआधी मिळालेल्या एका व्यक्तीच्या मृतदेहाबाबत धक्कादायक खुलासा झाला आहे. तरूणाला मृत्यू अपघातात झाला नव्हता तर त्याला मुद्दामहून कारने उडवण्यात आलं होतं. हे काम दुसऱ्या कुणाचं नसून त्याची पत्नी आणि तिच्या प्रियकराचं होतं. त्याची पत्नी पतीच्या मावस भावाच्या प्रेमात वेडी झाली होती. त्यांच्या प्रेमात अडसर ठरत असलेल्या पतीला मार्गातून वेगळं करण्यासाठी दोघांनी मिळून प्लान केला होता. पत्नीने प्रियकरासोबत मिळून पतीची हत्या केली. पोलिसांनी हत्येप्रकरणी पत्नी, तिचा दीर आणि त्याच्या साथीदाराला अटक केली आहे.
पोलिसांनुसार, गेल्या शनिवारी रेनवाल परिसरात डूंगरी खुर्दमध्ये एका तरूणाचा रक्ताने माखलेला मृतदेह आढळून आला होता. मृतकाचं नाव गिरधारीलाल जाट असं होतं. याबाबत मृतकाच्या भावाने पोलिसात तक्रार दाखल केली होती. पोलिसांनी नंतर चौकशी केली. चौकशीतून जे समोर आलं त्यानंतर पोलिसांनी मृतकाची पत्नी, तिचा प्रियकर रमेश आणि त्याचा मित्र सुनील यांना अटक केली.
पोलीसी खाक्या दाखवल्यानंतर आरोपींनी गिलधारीलालच्या हत्येचा गुन्हा कबूल केला. चौकशीतून समोर आलं की, आरोपी रमेश मृत गिरधारीलालचा मावस भाऊ आहे. रमेशचं मावस भावाची पत्नी कमला उर्फ पूजासोबत एक वर्षापासून अफेअर सुरू होतं. दोघांना लग्न करायचं होतं. पण गिरधारीलाल मधे येत होता. त्यामुळे त्याला कारने उडवून त्याची हत्या करण्यात आली.
दिराच्या प्रेमात वेड्या झालेल्या कमला उर्फ पूजाने पूर्ण प्लानिंग करून कामावर जात असलेला पती गिरधारीलालवर आपला प्रियकर आणि त्याच्या मित्राच्या मदतीने कार चढवली. ज्यात तिच्या पतीचा मृत्यू झाला. नंतर त्याचा मृतदेह एका ठिकाणी नेऊन फेकला. पोलिसांनी तिन्ही आरोपींना अटक केली असून पुढील कारवाई केली जात आहे.