मीरारोड - मीरारोडच्या हाटकेश परिसरातील एका सदनिकेतून वेश्या व्यवसाय चालवणाऱ्या चौघांना अनैतिक मानवी वाहतूक प्रतिबंधक कक्षाच्या पथकाने अटक केली आहे. वेश्या व्यवसायास लावलेल्या ३ पीडित तरुणींची सुटका पोलिसांनी केली आहे.
अनैतिक मानवी वाहतूक प्रतिबंधक कक्षाचे पोलीस निरीक्षक डी . एस . पाटील , सहाय्यक निरीक्षक देविदास हंडोरे व पोलीस पथकाने मिळालेल्या माहिती वरून सापळा रचून न्यू ओम कॉम्प्लेक्समधील इमारत क्रमांक ११ मध्ये धाड टाकली . तेथे सुरेंद्र श्रीधर तिर्लोटकर ( ४२ ) रा . शिवनेरी कंपाउंड , रावळपाडा , दहिसर ; कीर्ती प्रभाकर मेस्त्री ( ३४ ) रा. तुमडे चाळ , अशोकवन, दहिसर ; रोशनी अन्वर खान ( ३१ ) रा. दामूनगर , कांदिवली व हिना युसूफ खान ( ३८ ) रा . अगरवाल लाईफ स्टाईल , विरार ह्या चौघांना अटक करण्यात आली. हे चौघेही महिलांच्या आर्थिक दुर्बलतेचा गैरफायदा घेऊन त्यांना वेश्या व्यवसायात ढकलत होते . काशीमीरा पोलीस ठाण्यात ह्या चार हि जणांविरुद्ध पिटा कायद्याखाली गुन्हा दाखल करण्यात आला आहे.