माजी गृहमंत्री अनिल देशमुख यांच्यावर केलेल्या १०० कोटी वसुली टार्गेटच्या आरोपामुळे देशमुखामागे ईडीचा ससेमिरा लागला असला तरी हे आरोप करणारे मुंबईचे माजी पोलीस आयुक्त परमबीर सिंग चांगलेच अडकले आहेत. मुंबई आणि ठाण्याचे माजी पोलीस आयुक्त परमबीर सिंग यांच्यासह ५ पोलीस अधिकाऱ्यांवर सुरु असलेल्या खंडणी प्रकरणात आता दाऊदचा हस्तक छोटा शकीलचा सहभाग आढळून आला आहे. त्यामुळे या प्रकरणात एकच खळबळ माजली आहे. या प्रकरणातील तक्रारदार श्यामसुंदर अग्रवाल याच्या म्हणण्यानुसार त्याला एका खोट्या प्रकरणात अडकवण्यात आलं आणि त्याच्यावर मोक्का लावण्यात आला. त्याला आणि त्याच्या कुटुंबियांना धमकावून वसुली करण्यात आली, असा आरोप श्यामसुंदर अग्रवालनं केला आहे.
ठाणे येथील एका बांधकाम व्यावसायिकाच्या तक्रारीवरून हा गुन्हा दाखल करण्यात आला. यात सिंग यांच्यासह डीसीपी अकबर पठाण, पोलीस अधिकारी श्रीकांत शिंदे, पीआय आशा कोरके, नंदकुमार गोपाळे, संजय पाटील, खासगी इसम सुनील जैन, आणि संजय पुनमिया यांच्याविरोधात विरोधात मरीन ड्राईव्ह पोलीस ठाणे येथे भादंवि कलम ३८७, ३८८, ३८९, ४०३, ४०९, ४२०, ४२३, ४६४, ४६५, ४६७, ४६८, ४७१, १२० (b), १६६, १६७, १७७, १८१, १८२, १९३, १९५, २०३, २११, २०९, २१०, ३४७, १०९, ११०, १११, ११३ अन्वये गुन्हा नोंद करण्यात आला आहे. यात जैन आणि पुनामिया यांना अटक करण्यात आली आहे. आता या प्रकरणात मोक्का देखील लावण्यात आला आहे. जैन आणि पुनामिया यांच्याकडून २६० जीबी डेटा पोलिसांनी हस्तगत केला आहे. त्यातून खूप मोठे धक्कादायक खुलासे होण्यास सुरुवात झाली आहे.
या प्रकरणात काही फोन रेकॉर्डिंग समोर आले आहेत. ज्यात एक व्यक्ती बिल्डर संजय पुनमिया याला फोन करून धमकी देत असल्याचे ऐकू येत आहे. या ऑडिओत तुला दिलीपभाई सोबत प्रकरण मिटव सांगितले तर तू श्यामभाईला आता टाकलंस असं धमकावून त्याला मारण्याची धमकी दिली. गुन्हे शाखेच्या सूत्रांनुसार, हे कॉल रेकॉर्डिंग अंडरवर्ल्ड दाऊद इब्राहिमचा निकटवर्तीय छोटा शकीलचे आहे. क्राईम डेटानुसार संजय पुनामियाला धमकावणारा समोरील इसम हा छोटा शकीलचा असल्याची माहिती मिळत आहे. ही ऑडिओ क्लिप २०१६ सालची आहे. श्यामसुंदर अगरवाल यांच्या विरोधात देखील वेगेवेगळ्या पोलीस ठाण्यात १९ गुन्हे दाखल आहेत.
मुंबई पोलिसांच्या सूत्रांनी दिलेल्या माहितीनुसार, या ऑडिओत छोटा शकील याने संजय पुनमिया नावाच्या बिल्डरला धमकी दिल्याचं ऐकू येतं आहे. ज्या संपर्क क्रमांकाहून हा फोन आला होता तो नंबर मुंबई पोलिसांच्या क्राईम डेटानुसार छोटा शकीलचा आहे. त्यामुळे २०१६ सालच्या या ऑडिओ प्रकरणात शामसुंदर अग्रवालविरोधात १७ फेब्रुवारी २०२१ रोजी गुन्हा नोंद करुन त्याला मोक्का लावला होता. मुंबई पोलिसांची SIT या ऑडिओची सत्यता पडताळणीचे काम करत आहे.
कॉल रेकॉर्डिंग संभाषणाचा काही भाग
कथित छोटा शकील - पाकिस्तान का तो तुम्हे पता हैं ना कि क्या किया! ये खाली पता हैं ना... ये तो तुझे पता हैं ना!
संजय पुनामिया - अरे मुझे क्या करना हैं, कौन हिंदुस्थान में, कौन पाकिस्तान में
कथित छोटा शकील - इधर बम बांधेगा, उधार जाएगा... उडा देगा तेरे को! संजय यार तू क्या कर हैं हरकते! तेरे को बताया था कि, दिलीपभाई से बात करके सेटल करले.. मैं भाई के घर से बात कर रहा हूं!
संजय पुनामिया - हां जी!
कथित छोटा शकील - पेहचाना तुने
संजय पुनामिया - हां हां बोलिये
कथित छोटा शकील - भाई जब तुझे बोला था, दिलीपभाई से बात करके सेटल करले, तो तुने जो हैं वो श्यामभाई को अंदर क्यो कराया ?
कथित छोटा शकील - चार बार तेरे को फोन किया! उस दिन बोला मेरे पास डॉक्युमेंट हैं! भैया जैसा आप बोलते हो मैं करता हू
कथित छोटा शकील - तेरे को बोला अच्छा एक काम कर तू शाम को फोन लगा