जम्मू-काश्मीर - जम्मू-काश्मिरातील राजौरी जिल्ह्यातील नियंत्रण रेषेवर पाकिस्तानने आज पहाटे युद्धबंदीचे उल्लंघन केले. आज पहाटे भारतीय तळांवर गोळीबार देखील करण्यात आला. त्याला भारतीय सैन्याने प्रभावीपणे प्रत्युत्तर दिले आहे. तसेच सुंदरबानी सेक्टर परिसरात देखील पाकिस्तानकडून गोळीबार करण्यात आला. या गोळीबारात एक भारतीय जवान जखमी झाला असल्याची माहिती मिळत आहे.
दरवर्षीप्रमाणे यंदाही पंतप्रधान नरेंद्र मोदी भारतीय लष्काराच्या जवानांसोबत दिवाळी साजरी केली. जवानांसोबत दिवाळी साजरी करण्यासाठी मोदी आज दुपारी जम्मू-काश्मीरच्या राजौरी सेक्टरमध्ये दाखल झाले होते. कलम 370 हटवल्यानंतर पंतप्रधान मोदी पहिल्यांदाच जम्मू-काश्मीरमध्ये आले. जवानांना दिवाळीच्या शुभेच्छा देऊन मोदी त्यांच्यासोबत काही वेळ घालवला. राजौरी सेक्टर येथून परताना मोदी यांनी पठाणकोट एअरफोर्स स्टेशनला देखील भेट दिली. या ठिकाणी नव्याने हवाई दलात समाविष्ट केलेले अपाचे अत्याधुनिक हेलिकॉप्टर आहे.