Gwalior Nandini Murder Case:मध्य प्रदेशच्या ग्वालियरमध्ये शुक्रवारी घडलेल्या नंदिनी परिहार हत्याकांडाच्या घटेनेने संपूर्ण मध्य प्रदेशला हादरून टाकले आहे. नंदिनीच्या हत्येनंतर फसवणूक आणि गुन्ह्यांची एक मोठी मालिका उघडकीस आली आहे. पती अरविंद परिहारने दिवसाढवळ्या नंदीनीची गोळी झाडून हत्या केली होती. अरविंद परिहारला त्याच्या कृत्याबद्दल अजिबात पश्चात्ताप नाही. चौकशीदरम्यान त्याने हसत मी रोजच्या भांडणातून मुक्त झालो असं म्हटलं. दुसरीकडे, फेसबुकवर वाढदिवसाच्या पार्टीचा व्हिडिओ पाहिल्यानंतर अरविंदने नंदिनीची हत्या केल्याचे म्हटलं जात आहे.
नंदिनीचा एक व्हिडिओ समोर आला आहे, जो तिने ४ दिवसांपूर्वी तिच्या फेसबुक अकाउंटवर शेअर केला होता. तो व्हिडीओ बॉयफ्रेंड अंकुश पाठकच्या वाढदिवसाच्या सेलिब्रेशनचा होता. या व्हिडिओनंतर अरविंद संतापला होता. १२ सप्टेंबर रोजी जेव्हा नंदिनी तिच्या बॉयफ्रेंड अंकुशसोबत एसपी ऑफिसमधून त्याच्याबद्दल तक्रार करून परत येत होती, तेव्हा पती अरविंद परिहारने तिला रूपसिंग क्रिकेट स्टेडियमसमोर थांबवले आणि तिच्यावर ५ गोळ्या झाडल्या. नंदिनीला ४ गोळ्या लागल्या. तिला रुग्णालयात नेण्यात आले मात्र डॉक्टरांनी तिला मृत घोषित केले. नंदिनीच्या हत्येनंतर अरविंदने पोलिसांवरही गोळाबीराचा प्रयत्न केला होता. मात्र अर्ध्या तासाच्या मेहनतीनंतर पोलिसांनी अरविंदला पकडलं होतं.
नंदिनी सोशल मीडिया प्लॅटफॉर्मवर खूप सक्रिय होती. ती नेहमीच स्वतःचे फोटो आणि व्हिडिओ शेअर करायची. फेसबुकवर तिची चांगली फॅन फॉलोइंग होती. नंदिनीने ४ दिवसांपूर्वी तिच्या फेसबुक अकाउंटवर तिचा बॉयफ्रेंड अंकुश पाठकचा वाढदिवस साजरा करताना व्हिडीओ पोस्ट केला होता. व्हिडिओमध्ये सर्वजण मोठ्या उत्साहात साजरा करताना दिसत होते. हा व्हिडीओ पाहून अरविंदचा पारा चढला आणि त्याने नंदिनीला संपवण्याचा निर्णय घेतला.
चौकशीदरम्यान अरविंद परिहारने सांगितले की, नंदिनी इतर पुरुषांसोबत राहत असताना त्याला ब्लॅकमेल करत होती. अरविंदने तरुणासोबतचा तिचा व्हिडिओ समोर आला तेव्हा तो संतापला. या व्हिडिओमध्ये दोघेही वाढदिवसाची पार्टी साजरी करत होते. हत्येच्या वेळी हा मुलगा त्याच्यासोबत होता. मात्र, तो नंदिनीला त्याची वहिणी म्हणत होता.
दरम्यान, शुक्रवारी ग्वाल्हेरमधील रूपसिंग स्टेडियमबाहेर अरविंदने ३१५ बोरच्या पिस्तूलमधून एकामागून एक पाच गोळ्या झाडल्या, त्यापैकी चार नंदिनीला लागल्या. पाचवी गोळी भिंतीवर लागली. अरविंद परिहारने पोलिसांना सांगितले की, तो २०२२ मध्ये एका पार्लरमध्ये नंदिनीला भेटला होता. त्याला ती आवडली. दोघेही सोशल मीडियावर एकमेकांना फॉलो करत होते. नंतर त्यांनी पोस्टवर एकमेकांसाठी कमेंट लिहायला सुरुवात केली. प्रेम व्यक्त केल्यानंतर, दोघांनी २०२३ मध्ये लग्न केले. त्यावेळी नंदिनीला माहित होते की अरविंद आधीच विवाहित आहे, पण ती त्याच्या पत्नीमुळे खूश नव्हती. अरविंदलासुद्धा नंदिनीने तिच्या पतीला घटस्फोट दिल्याचे माहिती होती.
काही काळानंतर, नंदिनीला कळले की अरविंद गुन्हेगारी स्वभावाचा आहे. तर अरविंदला नंदिनीचे अनेक मुलांशी संबंध असल्याची माहिती मिळाली. त्यानंतर, दोघांनीही सोशल मीडियावर एकमेकांविषयी विष ओकण्यास सुरुवात केली. अरविंदने नंदिनीचा ३ मुलांसोबतचा फोटो अपलोड केला आणि कमेंट केली की 'या नात्यांचे नाव काय आहे. इतक्या मुलांसोबत तू काय करते, जे याला गैरसमज करतात त्यांनी हे पहा आणि आजच कमेंट करा, असं अरविंदने म्हटलं होतं. याला उत्तर म्हणून नंदिनीने एका विवाहितेचा फोटो अपलोड केला होता. त्यावर, विवाहित असो वा घटस्फोटित, दोन्ही प्रकरणांमध्ये फक्त स्त्रीच बेघर होते. कोणीही पुरुषाचे घर हिसकावून घेत नाही, असं म्हटलं होतं.