Mumbai Cruise Rave Party Case, Aryan Khan: जामीन सुनावणीपूर्वी आर्यनच्या मनगटात दिसलं काळ्या मण्याचं ब्रेसलेट

Mumbai Cruise Rave Party Case, Aryan Khan: आर्यन खानच्या जामीन अर्जावर आज सुनावणी होत आहे. त्यामुळे, आज आर्यनला जामीन मिळण्याची शक्यता वर्तविण्यात आली आहे. तत्पूर्वी आर्यनच्या हातात काळ्या मणीचे ब्रेसलेट दिसून आले.

ठळक मुद्देआर्यन खानच्या जामीन अर्जावर आज सुनावणी होत आहे. त्यामुळे, आज आर्यनला जामीन मिळण्याची शक्यता वर्तविण्यात आली आहे. तत्पूर्वी आर्यनच्या हातात काळ्या मणीचे ब्रासलेट दिसून आले.

मुंबई - श्रद्धा आणि अंधश्रद्धा हा प्रत्येकाचा व्यक्तिगत विषय आहे. मात्र, अंधश्रद्धा बाळगल्यास तो चर्चेचा विषय ठरतो. विशेष म्हणजे संकटसमयी माणूस अनेकदा अंधश्रद्धेला बळी पडतो. पौराणिक आणि अध्यात्मिकतेकडे तो वळला जातो, असे सांगण्यात येते. सध्या, क्रुझवरील ड्रग्ज प्रकरणी अटकेत असलेल्या आर्यन खानकडे पाहिल्यास अशीच शंका व्यक्त होत आहे. कारण, आर्यनच्या जामीनावर आज सुनावणी होत आहे. तत्पूर्वी त्याने हाताच्या मनगटात काळ्या मण्याचे ब्रेसलेट घातल्याचे दिसून आले.  

आर्यन खानच्या जामीन अर्जावर आज सुनावणी होत आहे. त्यामुळे, आज आर्यनला जामीन मिळण्याची शक्यता वर्तविण्यात आली आहे. तत्पूर्वी आर्यनच्या हातात काळ्या मणीचे ब्रासलेट दिसून आले. त्यामुळे, शुभ संकेताचे हे प्रतिक मानून आर्यनने ते परिधान केल्याची चर्चा आहे. कारण, यापूर्वी आर्यनच्या हातात कधीही तसे ब्रासलेट दिसले नव्हते. काळ्या मण्याचे ब्रासलेट हे संरक्षणाचे प्रतिक मानले जाते, वाईट आणि नकारात्मक विचारांपासूनही ते व्यक्तीला दूर ठेवते. या ब्रेसलेटला अध्यात्मिक महत्त्व असून ते भावनांना स्थीर ठेवण्यास मदत करते. 

प्रतिकूल परिस्थितीत आशावादी आणि संकटकाळात सकारात्मकता निर्माण करण्याचं कामही काळ्या मण्यांमुळे होतं, असे मानन्यात येते. त्यामुळे, आर्यन खानने परिधान केलेले हे ब्रासलेट त्याच भावनेतून केले असावे, अशी चर्चा रंगत आहे.  

आईच्या जन्मदिनीच मिळणार जामीन?

मुंबईहून गोव्याकडे जाणाऱ्या क्रूझवर ड्रग्स पार्टीप्रकरणी अटक करण्यात आलेला शाहरूख खानचा (Shahrukh Khan) मुलगा आर्यन खानची (Aryan Khan) काल गुरुवारी 14 दिवसांची न्यायालयीन कोठडीत रवानगी करण्यात आली. यादरम्यान आरोपींना कारागृहात न पाठवता एक दिवस एनसीबी कोठडीतच ठेवण्याची विनंती बचावपक्षाकडून करण्यात आली आणि न्यायालयाने ती मान्यही केली. त्यानंतर आज आर्यनच्या जामिनावर सुनावणी होणार आहे. विशेष म्हणजे आज आर्यनची आई गौरी खान  (Gauri Khan) हिचा वाढदिवस. त्यामुळे आईच्या वाढदिवशी आर्यन तुरूंगातून बाहेर येतो की तुरुंगातील त्याचा मुक्काम आणखी वाढतो, याकडे सर्वांचं लक्ष लागलं आहे.

जामीन अर्जावर सुनावणीस सुरुवात

कालच्या सुनावणीत एनसीबीने कोर्टाकडे आर्यन व त्याच्या दोन साथीदारांची कोठडी 11 ऑक्टोबरपर्यंत वाढवण्याची मागणी केली होती. तथापि न्यायमूर्ती आर एम नेर्लीकर यांनी कोठडी वाढवण्याची मागणी करणारी एनसीबीची याचिका फेटाळून लावली. आर्यन खान, मुनमुन धामेचा आणि अरबाज मर्जेंट यांना एनसीबीने 3 ऑक्टोबर रोजी गोव्याच्या क्रूझवर छापेमारीदरम्यान अटक केली होती. तर उर्वरित पाच जणांना दुस-या दिवशी अटक करण्यात आली होती.  

१६ जणांना अटक

या प्रकरणात आतापर्यंत १६ जणांना अटक करण्यात आली आहे. अब्दुल कादिर शेख, श्रेयस नायर, मनीष दर्या आणि अविन साहू अशी या नव्या आरोपींची नावे असून त्यांना मंगळवारी मुंबईच्या एस्प्लेनेड कोर्टात हजर करण्यात आले.  त्यांना 11 ऑक्टोबररपर्यंत एनसीबी कोठडी सुनावण्यात आली आहे. इतर आठ जणांमध्ये आर्यन खान, अरबाज सेठ मर्चंट, मुनमुन धामेचा, विक्रांत चोकर, इस्मीत सिंग, नुपूर सारिका, गोमित चोप्रा आणि मोहक जसवाल यांचा समावेश आहे. 

मिळालेल्या माहितीनुसार, एनसीबीने क्रूझचे सीईओ जुर्गन बेलोम यांना पुन्हा समन बजावत चौकशीसाठी बोलावले आहे. सूत्रांनी दिलेल्या माहितीनुसार, क्रूझवर आणखीही काही लोक ड्रग्स घेत असल्यासंदर्भात तपास केला जात आहे. दरम्यान, सोमवारी रात्री एनसीबीनं मुंबईतील गोरेगाव परिसरात धाड टाकली होती. यामध्ये दोन जणांना अटक करण्यात आल्याची माहिती समोर आली आहे. तर आणखी दोघांना अटक करण्यात आली आहे.