समुद्रपुर (वर्धा) : नागपूर हैदराबाद राष्ट्रीय महामार्गवरील हॉटेल संताराम जवळ भरधाव वेगाने येत असलेली मोपेड अनियंत्रित होऊन स्कार्पिओवर धडकली या अपघातात मोपेड वरील मायलेकी गंभीर जखमी झाल्या.
प्राप्त माहितीनुसार सोमवारी दुपारी ३ वाजताच्या सुमारास शेडगाव येथील तृप्ती किनकर व तिची आई चेतना किनकर या दोघी मायलेकी मोपेड क्रमांक एम एच ३२ ए.ए.०३५० ने जामकडून आपल्या शेडगाव गावाकडे जात असताना नागपूर हैदराबाद राष्ट्रीय महामार्गवरील हॉटेल संतारामजवळ पलटत असलेल्या स्कार्पिओवर क्रमांक एम पी.५० ए.सी ०८९०वर मोपेड अनियंत्रित होऊन धडकली.
या अपघात मुलगी तृप्ती किनकर व तिची आई चेतना किनकर या दोघी देखील गंभीर जखमी झाल्या. या घटनेची माहिती मिळताच महामार्ग पोलीस मदत केंद्राचे कर्मचारी यांनी जखमींना ग्रामीण रुग्णालयात दाखल केले पुढील तपास समुद्रपूर पोलीस करीत आहे.