पंजाब नॅशनल बॅंकेच्या १३,५०० कोटी रूपयांचा घोटाळा करणारा हिरे व्यवासायिक मेहुल चोकसीला डोमिनिकाहून भारतात आणण्याचे प्रयत्न सुरू आहेत. अशात आता मेहुलची पत्नी प्रीती चोकसीने पतीच्या जीवाचा धोका असल्याचा संशय व्यक्त केलाय. प्रीतीने डोमिनिकाच्या समुद्राच्या तटावर चोकसीसोबत याटवर दिसलेल्या मुलीबाबतही माहिती दिली आहे.
बिझनेस स्टॅंडर्डला दिलेल्या एका विशेष मुलाखतीत प्रीती चोकसी म्हणाली की, तिचा पती २३ मे च्या सायंकाळी रात्रीच्या जेवणासाठी निघाला होता. पण तो घरी परतला नाही. ती म्हणाली की, तिने पतीला शोधण्यासाठी समुद्र तटावर काही लोकांनाही पाठवलं होत. पण ते काही आढळून आले नाही. त्यानंतर पोलिसांना संपर्क करण्यात आला. (हे पण वाचा : गर्लफ्रेन्ड म्हटल्या जाणाऱ्या महिलेनेच केल मेहुल चोकसीचं अपहरण? सीक्रेट ऑपरेशनमध्ये अडकला चोकसी!)
मेहुल चोकसीची पत्नी म्हणाली की, 'मला हे समजल्यावर मी हैराण झाले की, चोकसीला सायंकाळी ५.३० वाजता एका याटवर नेण्यात आलं आणि कुणीही पाहिलं नाही. त्याची कारही घटनास्थळाहून गायब होती. ही कार दुसऱ्या दिवशी सकाळी सापडली. जेव्हा प्रीतीला मिस्ट्री गर्ल बारबरा जॅबरिकाबाबत विचारण्यात आलं तेव्हा तिने सांगितलं की, मला माहीत आहे की, जॅबरिका गेल्या वर्षी ऑगस्टमध्ये एंटीगाला आली होती. ती आयलॅंडमध्ये आमच्या दुसऱ्या घरीही आली आहे. तेथील शेफसोबत तिची मैत्री झाली होती'.
प्रीतीने आंतरराष्ट्रीय मीडियाचा दावा फेटाळला की, जॅबरिका एक सेक्सी फीमेल फेटेल होती. ती म्हणाली की, 'बारबरा वेगळी दिसते. ती तशी नाहीये जशी दिसते. तिच्याकडे एक चांगलं शरीर असेल, जे काही असेल, पण हे तिचे फोटो नाहीत'.
प्रीती चोकसी म्हणाली की, तिच्या पतीने आरोग्य चांगलं नसल्याने गेल्या तीन वर्षापासून आयलॅंड सोडलं नव्हतं. तिने आरोप लावला की, त्याला वकिलाला भेटण्याची किंवा मेडिकल चेकअपसाठी जाण्याची परवानगी नव्हती. अशात तिला भीती आहे की, तिच्या पतीची हत्या केली जाईल.