Crime News : असं म्हणतात की, प्रेम आंधळं असतं आणि व्यक्ती प्रेमात काहीही करू शकतो. अशीच एक घटना उत्तराखंडची राजधानी देहरादूनमधून समोर आली आहे. इथे दुसऱ्या धर्माची विवाहित प्रेयसी नाराज झाल्याने एका प्रियकराने गळफास घेऊन आत्महत्या केली. प्रियकर आपल्या प्रेयसीला भेटण्यासाठी तिच्या घरी गेला होता आणि ती त्याच्यासोबत न बोलल्याने त्याने तिच्याच घरी गळफास लावून घेतला. पोलिसांनी मृतदेह ताब्यात घेऊन चौकशी सुरू केली आहे.
मृत तरूण शहनवाज येथीलच राहणारा होता. तो मजुरीचं काम करायचा. शहनवाज शेजारी राहणाऱ्या विवाहित महिलेवर प्रेम करत होता. दोघांमध्ये साधारण दीड वर्षापासून अफेअर सुरू होतं. दोन महिन्यांआधी दोघांमध्ये काही कारणावरून वाद झाला होता. शहनवाजच्या अनेक प्रयत्नांनंतरही प्रेयसी त्याच्यासोबत बोलत नव्हती. त्यामुळे तो त्रासात होता.
सोमवारी सकाळी महिला घरी एकटीच होती. संधी बधून शहनवाज तिच्या घरात घुसला, इथे दोघे साधारण 1 तास बोलत होते. शहनवाज तिच्यावर पुन्हा नातं ठेवण्यासाठी दबाव टाकू लागला होता. पण महिलेने त्याला नकार दिला. ज्यानंतर शहनवाजने महिलेला धमकी दिली की, तो तिच्यासमोरच जीव देईल. महिलेला त्याची धमकी गंमत वाटली. काही वेळाने शहनवाज महिलाच्या घरातील वरच्या रूममध्ये गेला. त्याने तिथेच गळफास घेतला. महिलेने त्याला रोखण्याचा प्रयत्न केला. पण त्याने तिला धक्का दिला.
महिला धावत शेजाऱ्यांना बोलवण्यासाठी गेली. ती काही लोकांना सोबत घेऊन आली. तेव्हा शहनवाजचा गळफास घेऊन लटकलेला होता. महिलेने लगेच अॅम्बुलन्सला फोन केला आणि त्याला हॉस्पिटलमध्ये नेलं. पण डॉक्टरांनी त्याला मृत घोषित केलं. पोलीस पुढील चौकशी करत आहेत.