एकतर्फी प्रेमाच्या अनेक विचित्र घटना सतत समोर येत असतात. पण त्यात सामान्यपणे तरूण काहीतरी विचित्र करताना अधिक बघायला मिळतात. तरूणीने एकतर्फी प्रेमातून काही विचित्र केल्याचं फार कमी ऐकायला मिळतं. अशीच एक घटना समोर आली आहे. एक तरूणी एका बुटीकच्या मालकावर इतकी फीदा झाली की, त्याच्यासोबत लग्न करण्याचा ती हट्ट करू लागली. जेव्हा बुटीक मालकाने नकार दिला तर भावांकडून त्याच्यावर हल्ला केला. एकतर्फी प्रेमातून घडलेली ही घटना पंजाबच्या जालंधरमधून समोर आली आहे.
माथेफिरू तरूणीला टाळण्यासाठी बुटीकचा मालक साधारण दीड वर्षांपासून वेगवेगळ्या राज्यांमध्ये लपत राहिला. जेव्हा त्याला वाटलं की, आता तरूणीला शांत झाली असेल आणि सगळं ठीक झालं असेल तर तो घरी परतला. तो परत आल्याची खबर लागताच तरूणीच्या भावाने आणि त्यांच्या दोन मित्रांनी बुटीक मालकाच्या गळ्यावर चाकूने वार केला. आता पोलिसांनी आरोपी तरूणी आणि तिच्या भावांवर गुन्हा दाखल केला आहे. (हे पण वाचा : अरे देवा! प्रेमासाठी जावयासोबत पुण्याला पळून आली होती सासू, पुढे जे घडलं ते वाचून चक्रावून जाल....)
जालंधरच्या जयराज(34) ने सांगितले की, तो दोन वर्षांआधी पक्का बागेत एक बुटीक चालवत होता. त्याच्यासोबत दानिशमंदा भागातील एक तरूणीही काम करत होती. एक दिवस त्याला समजलं की, ती तरूणी इतरांना स्वत:ला त्याची पत्नी असल्याचं सांगत आहे. ग्राहकांकडून जेव्हा त्याला हे समजलं तर त्याने तिला याबाबत विचारलं. काही हरकत नाही तू माझ्यासोबत लग्न कर. हे ऐकून त्याला धक्का बसला. त्याने लग्न करण्यास नकार दिला. मात्र ती लग्न करण्यावर अडून बसली. (हे पण वाचा : भांडणाला वैतागून मुलाने वयोवृद्ध आईची गळा दाबून केली हत्या; पुरावे लपवण्यासाठी लढवली अनोखी शक्कल )
हे प्रकरण पोलिसात गेलं तेव्हा तो घाबरून जम्मू आणि हिमाचलमध्ये गेला. साधारण दीड वर्षाने तो हा विचार करून परत आला की, आता सगळं शांत झालं असेल. तरूणी मागे लागणार नाही. तिच्या डोक्यातून लग्ना भूत गेलं असेल. घरी परतल्यावर तो जेव्हा बाहेर बर्गर खाण्यासाठी गेला तेव्हा तिथे तिचा भाऊ त्याच्या मित्रांना घेऊन आला. त्यांनी त्याच्या मानेवर चाकूने वार केला. रक्त निघू लागलं तर तो जमिनीवर पडला. आरोपी तिथून पसार झाले.
हल्ल्याची माहिती मिळताच त्याचा भाऊ त्याला लगेच हॉस्पिटलमध्ये घेऊन गेला. पोलिसांनी चौकशीनंतर आरोपीं विरोधात गुन्हा दाखल केलाय. आरोपी फरार असून त्यांचा शोध घेतला जात आहे.