मध्य प्रदेशातील टिकमगड येथून एक विचित्र घटना समोर आली आहे. येथे एका 75 वर्षीय व्यक्तीने आपल्याच पत्नीची धारदार शस्त्राने हत्या केली. या महिलेची चूक केवळ एवढीच होती, की आपल्या वृद्ध पतीजवळून जाताना तिचा पाय पतीला लागला.
खरे तर ही संपूर्ण घटना टीकमगडमधील जतारा पोलीस ठाण्याच्या हद्दीतील फटकना हारमधील शेतातील आहे. येथे एक 75 वर्षीय वृद्ध परमलाल अहिरवार आपली 70 वर्षीय पत्नी देवकी बाई यांच्या सोबत राहत होता. ही घटना घडली त्या दिवशी संबंधित वृद्ध परमलाल आपल्या घरा जवळील होदीवर बसला होता. याच वेळी त्याची पत्नी देवकी बाई तेथून गेली आणि तिचा पाय चुकून परमलाल यांना लागला.
यामुळे परमलाल प्रचंड संतापला आणि त्याने जवळच ठेवलेली कुऱ्हाड उचलून पत्नीच्या मानेवर मारली. यामुळे तिचा जागीच मृत्यू झाला. यानंतर घटनेची माहिती मिळताच पोलिसांनी पती परमलाल अहिरवारला अटक केली असून घटनेची कायदेशीर कारवाई सुरू केली आहे.
याप्रकरणी जतारा पोलीस ठाण्याचे प्रभारी हिमांशु भिंडिया यांनी सांगितले, की बाबूलाल अहिरवार यांनी आपल्या वडिलांनी कुऱ्हाडीने मारून आई देवकी बाई यांची हत्या केल्याची माहिती दिली. यानंतर, पोलिसांनी घटनास्थळीपोहोचून कारवाई करत आरोपींना ताब्यात घेतले आहे. यानंतर, आता आरोपीला न्यायालयापुढे उभे करण्यात येईल, असे समजते. संबंधित वृद्धावर कलम 302 अन्वये गुन्हा दाखल करण्यात आला आहे.