प्रेयसीच्या नवऱ्याला बिझनेस पार्टनर बनवलं, 10 लाखांची सुपारी देऊन मारून टाकलं

Extra Marital Affair : ४३ वर्षीय शैलेश प्रजापतीची पत्नी स्वाती आणि प्रियकर नितीन प्रजापतीने त्याची हत्या केली.

गुजरातमधील अहमदाबादमधील वस्त्राल भागात २४ जून रोजी झालेल्या एका रस्ते अपघातात एका व्यक्तीचा मृत्यू झाला होता. याबाबत धक्कादायक खुलासा पोलिसांनी केला आहे. पोलिसांनी दिलेल्या माहितीनुसार, हा रस्ता अपघात नव्हता. तर विचारपूर्वक कट रचून त्यांची हत्या करण्यात आली. ४३ वर्षीय शैलेश प्रजापतीची पत्नी स्वाती आणि प्रियकर नितीन प्रजापतीने त्याची हत्या केली.वास्तविक स्वाती आणि नितीन यांचे विवाहबाह्य संबंध होते. स्वाती आधीच विवाहित होती आणि शैलेश तिचा नवरा होता. पती शैलेशमुळे स्वातीला नितीनला भेटायला खूप त्रास व्हायचा. अशा परिस्थितीत दोघांनीही एक प्लॅन बनवला की, नितीन शैलेशला आपला बिझनेस पार्टनर बनवतो. जेणेकरून तो कधीही आरामात, बिनदिक्कत त्याच्या घरी जाऊ शकेल. लवकरच शैलेश आणि नितीन बिझनेस पार्टनर बनले. या बहाण्याने नितीन वारंवार त्यांच्या घरी येऊ लागला.पतीला पत्नीच्या अफेअरची माहिती कळलीशैलेशला एक दिवस दोघांच्या अफेअरची माहिती मिळाली. यावरून शैलेश आणि स्वाती यांच्यात मारामारी सुरू झाली. स्वाती देखील याच कारणामुळे नितीनला भेटू शकली नाही. नितीन आणि स्वातीने शैलेशचा काटा काढ्याचा कट आखला. मग दोघेही आरामात भेटू शकतील. दोघांनी यासीन नावाच्या सुपारी किलरशी संपर्क साधला. त्याला 10 लाख रुपयाची सुपारी दिली. 24 जून रोजी शैलेश मॉर्निंग वॉकसाठी बाहेर पडला असताना मागून येणाऱ्या कारने त्याला धडक दिल्याने वाटेत त्याचा मृत्यू झाला.सीसीटीव्ही फुटेज पाहून पोलिसांना संशय आलापोलिसांनी गुन्हा दाखल करून तपास सुरू केला असता त्यांना घटनास्थळाजवळील सीसीटीव्ही फुटेज मिळाले. त्याला नीट पाहिल्यावर हा अपघात नसून शैलेशला जाणीवपूर्वक मारण्यात आल्याचा संशय पोलिसांना आला. शैलेश रस्त्याच्या कडेला शांतपणे चालत होता. त्यानंतर मागून येणाऱ्या पांढऱ्या रंगाच्या टेम्पोने मुद्दाम गाडी शैलेशच्या दिशेने वळवली. त्यानंतर त्याला धडक देऊन तो पळून गेला.पोलिसांसमोर गुन्ह्याची कबुली दिलीपोलिसांनी शैलेशची पत्नी स्वातीची कसोशीने चौकशी केली असता तिने काही वेळातच गुन्ह्याची कबुली दिली. तिने सगळा प्रकार पोलिसांना सांगितला. पोलिसांनी स्वाती, नितीन आणि सुपारी घेणारा यासीनविरुद्ध गुन्हा दाखल केला आहे. स्वाती आणि नितीनला पोलिसांनी अटक केली आहे. त्याचवेळी सुपारी घेणारा यासीन हा फरार आहे. त्याचा शोध सुरूच आहे.