Crime News : उत्तर प्रदेशच्या नोएडामधून एक धक्कादायक घटना समोर आली आहे. इथे एका ओयो हॉटेलमध्ये प्रियकराला भेटण्यासाठी गेलेल्या महिलेची हत्या करण्यात आली आहे. घटनेची माहिती मिळताच पोलीस घटनास्थळी पोहोचले. पोलिसांनी महिलेचा मृतदेह ताब्यात घेतला. तसेच पोलिसांनी महिलेच्या पतीच्या तक्रारीवरून महिलेच्या प्रियकराला अटक केली आहे.
इटावा येथील महिला पती आणि दोन मुलांसोबत नोएडामध्ये राहत होती. असं सांगण्यात आलं की, मृत महिलेचे तिचा नातेवाईक सोनूसोबत अनैतिक संबंध सुरू होते.
शुक्रवारी महिला साधारण 12.30 वाजता प्रियकर सोनू याला भेटण्यासाठी सेक्टर 63 छिजारसीमधील हॉटेल ओयोमध्ये गेली होती. असं समजलं की, प्रियकर सोनू याचं लग्न होणार होतं, ज्यावरून हॉटेलमध्ये महिला आणि सोनूमध्ये भांडण झालं. रागाच्या भरात सोनूने महिलेला मारहाण केली आणि कशाने तरी महिलेच्या डोक्यावर वार केला.
यामुळे जागीच महिलेचा मृत्यू झाला. घटनेची सूचना मिळातच पोलीस हॉटेलमध्ये पोहोचले. त्यांनी महिलेचा मृतदेह ताब्यात घेऊन पोस्टमार्टमसाठी पाठवला. नंतर पोलिसांनी महिलेच्या पतीच्या तक्रारीवरून महिलेचा प्रियकर सोनू याला अटक केली.