उत्तर प्रदेशातील लखीमपूर खेरी येथून एक धक्कादायक बातमी समोर आली आहे. पत्नीने प्रियकराच्या मदतीने पतीची हत्या केल्याचे समोर आले आहे, पत्नीने पतीची धक्कादायक पद्धतीने हत्या केली. पत्नीने प्रियकराच्या मदतीने पतीचा कुऱ्हाडीने वार करून मृतदेह रस्त्याच्या कडेला पुरला. तब्बल 11 दिवसांनी मृतदेह सापडल्यानंतर ही भयंकर घटना उघडकीस आली. पोलिसांनी हत्येचा आरोप असलेल्या पत्नी आणि तिच्या प्रियकराला अटक केली आहे.
पोलिसांनी दिलेल्या माहितीनुसार, हे प्रकरण लखीमपूर खेरी येथील निघासन कोतवाली परिसरातील बौद्ध पूर्वा गावातील आहे. 11 दिवसांपासून बेपत्ता असलेल्या इंग्लिश (28) या तरुणाचा मृतदेह रस्त्याच्या कडेला पुरलेला आढळून आला. सिंगाही व निघासन लिंक परिसरात लोकांना विचित्र वास येत होता. यावर लोकांनी स्थानिक पोलिसांना माहिती दिली. पोलिसांनी घटनास्थळ गाठून रस्त्याच्या कडेला खोदकाम सुरू केले असता त्यांना गळा कापलेला अवस्थेतील मृतदेह आढळून आला. या मृतदेहाची ओळख काही वेळाने समोर आली. तो तरुण बुढी पूर्वा येथील तरुण असल्याची माहिती पोलिसांना मिळाली.
गेल्या 11 दिवसांपासून तरुण घरातून बेपत्ता होता. नातेवाईक त्याचा शोध घेत होते मात्र त्याचा काहीही पत्ता लागला नाही. मृतदेह सापडल्यानंतर पोलिसांनी या प्रकरणाचा तपास केला असता, संशय इंग्लिशची पत्नी ज्युली हिच्यावर आला. पोलिसांनी ज्युलीची चौकशी सुरू केली. पत्नीने पोलिसांना माहिती दिली नाही, पण अधिक चौकशीनंतर पत्नीने पोलिसांना संपूर्ण माहिती सांगितली. संपूर्ण घटनाक्रम ऐकून पोलिसांच्या पायाखालची जमीनच सरकली. पती पत्नी जुलीला तिच्या प्रियकराला भेटण्यापासून अडवत होता. त्यामुळेच तिने प्रियकराच्या मदतीने कुऱ्हाडीने वार केले. हत्येनंतर मृतदेह रस्त्याच्या कडेला नेऊन पुरण्यात आला.
चिमुकल्याच्या प्रायव्हेट पार्टला मित्रांनी बांधला दोरा, न्यावं लागलं हॉस्पिटलमध्ये, त्यानंतर…
पत्नीने पतीच्या मानेवर कुऱ्हाडीने वार केले, मृताचे काका मेवालाल यांनी पोलिसांत पत्नीविरोधात तक्रार दिली. पुतण्या 11 दिवसांपूर्वी बेपत्ता झाला होता. नातेवाइकांनी सतत त्याचा शोध घेतला मात्र त्याचा कोणताही सुगावा लागला नाही. आता त्याचा मृतदेह रस्त्याच्या कडेला पुरलेला आढळून आला आहे. त्याच्या मानेवर कुऱ्हाडीने वार करण्यात आले आहेत. पुतण्याची हत्या झाला असल्याची तक्रार पोलिसांत दिली आहे. पोलिसांनी अधिक तपास सुरू केला आहे.