Delhi Crime News : दिल्लीच्या रोहिणी भागात एका व्यक्तीने आपल्या पत्नीची निर्दयीपणे गळा आवळून हत्या केली. या पती-पत्नींमध्ये अनेक दिवसांपासून वाद सुरू होता. या घटनेची सूचना मृत महिलेच्या दिराने पोलिसांना दिली. मृतदेह पोस्टमार्टमसाठी पाठवण्यात आला आहे. घटनेनंतर आरोपी फरार आहे आणि पोलीस त्याचा शोध घेत आहेत. या हत्येचं कारण सर्वांनाच हैराण करणारं आहे.
मीडिया रिपोर्टनुसार, 6 वर्षाआधी आरोपी अनिलने उडीसाला राहणाऱ्या रश्मि नावाच्या तरूणीसोबत लव्ह मॅरेज केलं होतं. त्याआधी अनिल बुलंदशहरात राहत होता. एक वर्षाआधीच हे दाम्पत्य दिल्ली राहण्यासाठी आलं होतं. रोहिणीच्या सेक्टर 16 मध्ये एक घरा भाड्याने घेऊन दोघेही राहत होते.
आरोप आहे की, यादरम्यान फॅक्टरीमध्ये काम करणाऱ्या बबलू नावाच्या एका तरूणासोबत रश्मिची मैत्री झाली. ज्यावरून रश्मि आणि अनिलमध्ये नेहमीच वाद होत होते. या भांडणाबाबत अनिल आपला भाऊ सुनील याला अधून मधून सांगत राहत होता.
काही दिवसांआधी अनिल घरातून कुठे बाहेर गेला होता. जेव्हा तो घरी परतला तेव्हा त्याला दिसलं की, बबलू पत्नी रश्मिसोबत घरात आहे. यावरून पती-पत्नीमध्ये वाद सुरू झाला. तेव्हाच रागाच्या भरात अनिलने पत्नी रश्मिचा गळा आवळून तिची हत्या केली. नंतर घराचा दरवाजा बाहेरून बंद करून फरार झाला. साधारण 2 तासांनंतर अनिलने भाऊ सुनीलला या घटनेची माहिती दिली.