लखीमपूर - खेरी जिल्ह्यात ठाणे फरधान भागातील बरखेरवा गावात पतीनेच झोपलेल्या पत्नी आणि चिमुकल्या मुलीला गोळ्या झाडून ठार मारले. मृत पत्नीचे नाव आरती मिश्रा आणि मृत ६ वर्षीय मुलगी पूर्णिमा यांची गोळ्या घालून हत्या करण्यात आली.
यानंतर आरोपी इतक्यावरच न थांबता त्याने दोन्ही मृतदेहांवर बंदुकीने प्रहार केले. दोघींचा जागीच मृत्यू झाला होता. पोलिसांनी दोन्ही मृतदेह शवविच्छेदनासाठी पाठवले आहेत. हत्याखोर पती फरार आहे.
ही घटना सोमवारी रात्री बाराच्या सुमारास घडली असल्याची माहिती सांगितली जात आहे. बरखेरवा गाव येथील रहिवाशी सरोज मिश्राने खोलीत झोपलेल्या पत्नी आरती मिश्रा आणि ६ वर्षीय मुलगी पूर्णिमा यांना गोळ्या घालून ठार केले. नंतर बंदुकीने मृतदेहांवर प्रहार करण्यात आले. ही घटना घडल्यानंतर आरोपी घटनास्थळावरून फरार झाला. या घटनेची माहिती मिळताच पोलिसांनी घटनास्थळी धाव घेतली. पोलिसांना घटनास्थळावरून रक्ताने माखलेली बंदूक आढळून आली असून त्यांनी ती हस्तगत केली.
धक्कादायक! महिला पोलिसाची हत्या करून वर्गमित्राची आत्महत्या
महिलेला दारू पाजून तिच्यावर सामूहिक अत्याचार करून हत्या करणाऱ्या दुकलीला अटक
धक्कादायक; देवकार्याच्या जेवणास न आल्याने पंढरपुरात युवकाची हत्या
पोलिसांनी दोन्ही मृतदेह शवविच्छेदनासाठी पाठवले आहेत. पतीचे एका महिलेशी अनैतिक संबंध असल्याचे सांगितले जाते. पत्नी या संबंधास वारंवार विरोध करत असे. त्यामुळे दोघांमध्ये सतत भांडण आणि मारामारी होत होती. त्यामुळे पत्नी बर्‍याचदा माहेरी राहत असे. ती तीन दिवसांपूर्वी पतीकडे आली होती. पोलीस सध्या या प्रकरणाचा तपास करत आहेत. प्रभारी पोलीस निरीक्षक विमल गौतम यांनी सांगितले की, मृतदेहाचे शविच्छेदन केले जात आहे.