घुग्घुस(चंद्रपूर) : काॅलरी परिसरातील शास्त्रीनगर येथील आशिष ओमरीक वर्मा यांनी आपले घरी पंख्याला गळफास घेऊन आत्महत्या केल्याची घटना रविवारी सकाळी ५.३० वाजताच्या दरम्यान उघडकीस आली.
वेकोलिच्या कामगार परिसरातील शास्त्रीनगर येथील आशिष ओमरीक शर्मा यांचा प्रेमविवाह सहा वर्षापूर्वी त्याच परिसरातील राजीव रतन चिकित्सालयात साफसफाई करणाऱ्या युवतीसोबत झाला होता. त्यांना चार वर्षाची मुलगी आहे. विवाहानंतर आशिष हा व्यसनाधीन होऊन पत्नीच्या चरित्रावर संशय घेऊन मारहाण करायचा. १६ जूनला असाच प्रकार घडला. मात्र हा प्रकार सहन न झाल्याने घुग्घुस पोलीस ठाणे गाठून पत्नीने पतीविरुद्ध तक्रार दाखल केली. त्यानंतर ती घरी न जाता आपल्या मैत्रिणीकडे राहत होती. रविवारी सकाळी आशिषने आत्महत्या केल्याचे उघडकीस आले. घटनेच्या संदर्भात पोलीस पुढील तपास करीत आहे.