पती-पत्नीचं नातं हे विश्वासावर टिकून असतं. पण बिहारच्या मुजफ्फरपूरमध्ये आपल्या पतीचा काटा काढण्यासाठी पत्नीने क्रूरतेच्या सर्व सीमा पार केल्या. आरोप आहे की, महिलेने आपल्या प्रियकरासोबत आणि बहीण व भाओजीसोबत मिळून आधी पतीची हत्या केली. नंतर मृतदेहाचे तुकडे तुकडे करून त्यावर केमिकल टाकून ते नष्ट करण्याचा प्रयत्न केला.
इथे ३० वर्षीय राकेशच्या हत्येचा आऱोप त्याची पत्नी राधा, प्रियकर सुभाष आणि बहीण व भाओजीवर आहे. मृतदेहाची विल्हेवाट लावण्यासाठी महिलेचा प्रियकर सुभाषने भाड्याने घेतलेल्या फ्लॅटमध्ये मृतदेहाचे अनेक तुकडे केले. मृतदेहाची विल्हेवाट लावण्यासाठी त्यांनी केमिकलचा वापर केला. पण तेव्हाच मोठा धमाका झाला. ज्यानंतर आजूबाजूच्या लोकांनी पोलिसांना सूचना दिली. (हे पण वाचा : खुलासा! डॉक्टरची पत्नी आणि जिम ट्रेनरमध्ये काय होतं नातं? ११०० झालं होतं बोलणं...)
पोलीस जेव्हा घटनास्थळी पोहोचले तेव्हा फ्लॅटच्या आत मृतदेहाचे तुकडे पाहून ते हैराण झाले. पोलिसांनी तुकडे पोस्टमार्टमसाठी पाठवले आणि प्रकरणाची फॉरेन्सिक टीमकडून चौकशी सुरू केली. त्यानंतर मृतदेहाची ओळख पटली. मृत राकेश हा बिहारमध्ये दारूबंदीनंतरही बेकायदेशीरपणे दारूचा धंदा करत होता. त्यामुळे तोही पोलिसांच्या रडारवर होता. त्यामुळे तो जास्तीत जास्त काळ लपून राहत होता.
यादरम्यान राकेशचा साथीदार सुभाष त्याच्या पत्नीची देखरेख करत होता. काही दिवसांनी दोघेही एकमेकांच्या प्रेमात पडले. त्यानंतर महिला राधाने प्रियकरासोबत मिळून पतीला मारण्याचा प्लॅन केला. ज्यात तिची बहीण आणि भाओजीही सामिल होते. राधाने पतीला घरी बोलवलं आणि प्रियकर सुभाषसोबत मिळून त्याची हत्या केली. (हे पण वाचा : अशीही फसवणूक! पत्नी लाखो रूपये घेऊन परदेशात गेली, पतीचा फोन उचलणंही केलं बंद...)
राकेशच्या हत्येनंतर त्याचा भाऊ दिनेशने पोलीस स्टेशनमध्ये राकेशची पत्नी राधा देवी, तिचा प्रियकर सुभाष, बहीण कृष्णा आणि तिचा पती यांच्यावर हत्येचा आरोप लावत तक्रार दिली. मृतकाचा भाऊ दिनेश म्हणाला की, त्याच्या मोठ्या भावाचा सहयोगी सुभाषसोबत त्याच्या पत्नीचे अनैतिक संबंध होते. राकेशच्या भावाने आरोप लावला की, त्याच्या भावाच्या पत्नीच्या अनैतिक संबंधाबाबत सर्वांनाच माहिती होती. दिनेशने सांगितल्याप्रमाणे राकेश काही दिवसांपूर्वीच आपल्या घरी परतला होता आणि भाड्याच्या घरात राहत होता.
दिनेशने सांगितलं की, शनिवारी त्या घरात अचानक धमाका झाला. तिथे जाऊन पाहिलं तर समजलं की, माझ्या भावाची हत्या करण्यात आणि मृतदेहाचे पाच तुकडे करण्यात आले होते. पोलिसांनी सांगितलं की, आरोपींविरोधात गुन्हा दाखल करण्यात आला आहे. हत्येचं कारण मृतकाच्या पत्नीचे सुभाष नावाच्या व्यक्तीसोबत अनैतिक संबंध होते.