Crime News : 'घरी कुणीच नाहीये, तू ये...' एका प्रेयसीने तिच्या प्रियकराला फोन करून असं म्हणाली. मग काय तरूणी आनंदाने तिच्यासाठी गिफ्ट घेऊन तिच्या घरी पोहोचला. पण त्याच्यासोबत असा दगा झाला की, तो थेट हॉस्पिटलमध्ये पोहोचला. ही घटना आहे उत्तर प्रदेशच्या बांदामधील. इथे तरूणाच्या प्रेयसीच्या कुटुंबियांनी त्याला चोर समजून बेदम मारहाण केली.
तरूणी तरूणाला म्हणाली होती की, घरी कुणीच नाहीये, तू ये. अशात तरूण प्रेयसीला भेटण्यासाठी तिच्या घरी गेला तर सगळं गणितच बदललेलं दिसलं. कारण प्रेयसीची सूचनाच चुकीची निघाली. अशात घरातील लोकांनी त्याला पकडंल आणि इतकं मारलं की, त्याला हॉस्पिटलमध्ये दाखल करण्यात आलं.
'आजतक'च्या रिपोर्टनुसार, ही घटना बांदाच्या बिसंडा भागाच्या एका गावातील आहे. तरूण DJ म्हणून काम करतो. तो स्थानिक कार्यक्रमांमध्ये डीजे वाजवण्याचं काम करतो. एक दिवस तो कामाहून परत जात असताना त्याला त्याच्या प्रेयसीचा कॉल आला. ती कथितपणे म्हणाली की, आई-बाबा घरी नाहीयेत, तू मला भेटायला घरी येत. तरूणाला तिला घड्याळही गिफ्ट करायचं होतं. त्यामुळे तो आनंदाने तिच्या घरी गेला आणि आत जाण्यासाठी दरवाजा उघडला तर समोर जे दिसलं ते पाहून त्याला धक्का बसला. कारण घरात सगळेच होते.
जेव्हा तरूणीच्या वडिलांनी आणि भावांनी त्याला बघितलं तर चोर समजून त्याला जबर मारहाण केली. आरडाओरड ऐकून शेजारी जमा झाले. ज्यानंतर कसंतरी प्रकरण शांत करण्यात आलं आणि कुटुंबियांना समजावण्यात आलं.
याबाबत पोलिसांनी सांगितलं की,एक तरूण कार्यक्रमात डीजे ऑपरेट करण्यासाठी गेला होता. आणि घरी परतत असताना तो तरूणीच्या घरी गेला. ज्यामुळे त्याच्यासोबत मारहाण झाली. पीडित तरूणाच्या तक्रारीवरून गुन्हा दाखल करण्यात आला आहे.