पाटणा: बिहारच्या वैशाली जिल्ह्यात पोलिसांनी रविवारी कोंबड्यांच्या फार्ममध्ये सुरू असलेल्या बंदुकीच्या कारखान्याचा पर्दाफाश केला आहे. छाप्यादरम्यान, पोलिसांनी शस्त्रांसह 27 जिवंत काडतुसे जप्त केली. तसेच, घटनास्थळावरून एका व्यक्तीलाही अटक करण्यात आली आहे.
मिळालेल्या माहितीनुसार, हे प्रकरण भगवानपूर पोलीस स्टेशन परिसरातील बहलोलपूर गावाचे आहे. या गावात कोंबड्यांच्या फार्ममध्ये मिनी गन कारखाना चालवला जात होता. पोलिसांनां बहलोलपूर गावात एका कोंबड्यांच्या फार्ममध्ये देशी बनावटीच्या बंदुका बनवल्या जात असल्याची माहिती मिळाली होती. यानंतर पोलिसांनी छापा टाकला.