Crime News : उत्तर प्रदेशच्या (Uttar Pradesh) मेरठमध्ये एका तरूणीसोबत जबरदस्ती करणं एका तरूणाला चांगलंच महागात पडलं. रेप करण्याचा प्रयत्न करत असलेल्या नराधमाच्या ओठाचा तरूणीने आपल्या दातांनी लचका तोडला. पोलिसांना जखमी तरूणाला हॉस्पिटलमध्ये दाखल केलं आहे. सोबतच पीडितेच्या तक्रारीनंतर गुन्हा दाखलही केला आहे.
दौराला गावातील अंझोता जंगलात शनिवारी दुपारी एक तरूणी शेतात काम करत होती. तिला एकटी पाहून तिथून जात असलेल्या तरूणाने तिच्यासोबत छेडछाड सुरू केली. त्याने जबरदस्तीने तरूणीचा किस घेण्याचा प्रयत्न केला. ज्यानंतर बहादूर तरूणीने हिंमत दाखवत त्याच्या ओठांना दाताने चावा घेतला आणि तुकडा पाडला. त्यानंतर आरोपीला धडाही शिकवला.
ओठाचा तुकडा पडल्यानंतर तरूणी वेदनेने जोरजोरात ओरडत होता. तरूणीने आरडाओरड करून आजूबाजूच्या लोकांना जमा केलं. लोकांनी आरोपीला पकडून पोलिसांना सूचना दिली. पोलीस घटनास्थळी पोहोचले आणि आरोपीला ताब्यात घेतलं. त्याच्या ओठाचा तुकडाही तिथेच पडला होता. पोलिसांनी तो पॅकेटमध्ये सील केला आणि आरोपीला जवळच्या हॉस्पिटलमध्ये दाखल केलं.
चौकशी केल्यावर तरूणाचं नाव मोहित सैनी असल्याचं समजलं. पीडितेने त्याच्या विरोधात तक्रार दिली आहे. पोलीस अधिकारी संजय शर्मा म्हणाले की, तरूणी तिच्या शेतात काम करत होती. आजूबाजूला फार कुणी नव्हतं. तरूण तिथून पायी जात होता आणि त्याने तरूणीसोबत छेडछाड सुरू केली. तरूणाने तरूणीला जबरदस्ती किस करण्याचा प्रयत्न केला. बचाव करण्यासाठी तरूणीने त्याच्या ओठाचा दातांनी तुकडा पाडला. पोलिसांनी त्याला अटक केली असून पुढील कारवाई केली जात आहे.