बिहारच्या गया जिल्ह्यातून आत्महत्येची एक धक्कादायक घटना समोर आली आहे. गिनजोय गावातील शिवनाथ कुमार नावाच्या एका तरूणीने कौटुंबिक वादातून आपलं जीवन संपवललं. मुलाने आत्महत्या केल्याचे पाहता दु:खी आईनेही आत्महत्या करण्याचा प्रयत्न केला होता. सुदैवाने गावातील लोकांनी महिलेचा जीव वाचवला.
शिवनाथ कुमार हा अहमदाबादच्या रेल्वे विभागात नोकरी करत होत आणि त्याच्या परिवारातील सर्व लोक गावात राहत होते. काही दिवसांपूर्वी काही कारणावरून घरात वाद झाला. ज्यानंतर मृत व्यक्तीने अहमदाबादवरूनच पत्नीला समजावण्याचा प्रयत्न केला. पण पत्नी पतीचं काहीही ऐकायला तयार नव्हती आणि त्यानंतर ती माहेरी निघून गेली.
याची माहिती मिळताच शिवनाथ कुमार ड्यूटी सोडून गावी परत आला. गावात परतल्यावर त्याने पत्नीला फोन करून खूप समजावण्याचा प्रयत्न केला. पण यावेळीही पत्नी काही ऐकायला तयार नव्हती. ज्यानंतर तो त्याच्या रूममध्ये गेला आणि त्याने गळफास घेऊन आत्महत्या केली. बराच वेळ दरवाजा उघडला नाही तर घरातील लोकांनी दरवाजा तोडला. समोर जे दिसलं ते पाहून सगळे हैराण झाले.
या घटनेची माहिती लगेच गावात पसरली. बघता बघता गावातील अनेक लोक मृतकाच्या घराबाहेर जमा झाले. कसातरी त्याचा मृतदेह खाली उतरवला आणि त्याला हॉस्पिटलमध्ये नेण्यात आले. तिथे डॉक्टरांनी त्याला मृत घोषित केले. मुलाच्या मृत्यूची माहिती मिळताच आई कमला देवीने कीटकनाशक औषध पिऊन आत्महत्या करण्याचा प्रयत्न केला. सुदैवाने गावातील लोकांनी तिचा जीव वाचवला.