झारखंडची राजधानी रांचीसहीत अनेक जिल्ह्यातील पोलिसांसाठी डोकेदुखी ठरलेला कुख्यात गॅंगस्टर सुजीत सिन्हा पुन्हा एकदा चर्चेत आला आहे. यावेळी तो चर्चेत आला त्याचं साम्राज्य सांभाळत असलेल्या त्याची प्रेयसी प्रियांका कुमारी उर्फ खुशबू उर्फ सृष्टीमुळे. प्रियांका ही सुजीत सिन्हाच्या गॅंगची दुसरी मुख्य व्यक्त आहे. ती रांचीमध्ये मोठ्या उद्योगपतींना आणि बिल्डरांना खंडणी मागत होती. हा प्रकार अनेक महिन्यांपासून सुरू होता. आता एक-एक करून या गॅंगच्या सर्व सदस्यांना पोलिसांनी ताब्यात घेतलं आहे.
गर्ल्स हॉस्टेलमधून चालवत होती गॅंग
सुजीत सिन्हाची प्रेयसी प्रियांचा रांचीतील कडरू येथील एका गर्ल्स हॉस्टेलमध्ये लपून पूर्ण गॅंग चालवत होती. ती गर्ल्स हॉस्टेलमध्ये एक विद्यार्थी म्हणून राहत होती. तिने डाल्टेनगंजच्या एका कॉलेजमधून बीबीएचं शिक्षणही घेतलं. प्रियांकाची मैत्री मेहश सुजीत सिन्हासोबत झाली होती. त्यानंतर सुजीतसाठी ती काम करू लागली होती. ती गॅंगमध्ये सामिल झाली. तिने आपल्या गॅंगमध्ये दोन जुळ्या भावांनाही सामिल करून घेतलं होतं. प्रियांका जमीन व्यापाऱ्यांची एक लिस्ट तयार केली होती. त्या आधारेच ती त्यांना फोन करून खंडणी मागत होती. (हे पण वाचा : पर्दाफाश! महिलांच्या जाळ्यात अडकून पुरूष काढायचे कपडे, नंतर फेक पोलीस येऊन करत होते ब्लॅकमेल!)
अनेक बिल्डरांनी सुजीत सिन्हाच्या नावावर खंडणीही दिली आहे. त्यांना जीवाची भीती होती. मात्र, एका उद्योगपतीकडे खंडणी मागितल्यावर गॅंगची हालचाल पोलिसांच्या नजरेस पडली. यानंतर प्रियांकासहीत चार लोक पकडले गेले. त्यांच्याकडून दागिने, मोबाइल जप्त केलेत.
रांचीचे एसएसपी सुरेंद्र झा म्हणाले की, सुजीत सिन्हाची प्रेयसी प्रियांका पलामू येथील डब्ल्यू सिंह गॅंगच्या लव सिंहच्या हत्येत हनी ट्रॅपच्या रूपात सामिल होती. या केसमद्ये ती तुरूंगातही गेली होती. तुरूंगात कैद असलेल्या सुजीत सिन्हासोबत प्रियांका सतत संपर्कात राहत होती आणि सिन्हाच्या अनउपस्थितीत ती गॅंग चालवत होती. याबदल्यात तिला दर महिन्याला मोठी रक्कमही मिळत होती. (हे पण वाचा : दिल्लीत कोट्यवधींचा बंगला...लक्झरी कार्स, तृतीयपंथीयाच्या हत्येनंतर धक्कादायक खुलासे!)
पोलिसांच्या डायरीनुसार झारखंडमध्ये एकूण ३६ गुन्हेगारी गॅंग आहे. त्यातील सर्वात जास्त सक्रिय आहे सुजीत सिन्हा याची गॅंग. एक वर्षांपासून या गॅंगने पोलिसांना हैराण करून सोडलं आहे. सुजीत सिन्हावर खंडणी आणि हत्या सहीत एकूण ५१ केसेस दाखल आहेत. सुजीत तुरूंगातून प्रियांकाच्या मदतीने गॅंग चालवत आहे.