बीड : गेवराई तालुक्यातील पाचेगाव येथे पाच वर्षांपूर्वी विवाहित महिलेवर झालेल्या सामूहिक बलात्कार प्रकरणी चार आरोपींना जन्मठेपेची शिक्षा ठोठावण्यात आली. प्रमुख जिल्हा व सत्र न्यायालय हेमंत महाजन यांनी गुरुवारी हा निकाल दिला.
१ जानेवारी २०१५ रोजी सहा ते रात्री दोन वाजेदरम्यान हा गुन्हा घडला होता. पाचेगाव येथून बीडला जाण्यासाठी पीडित महिलेला जीपमध्ये बसवून चौघांनी एरंडगाव येथील गायरानात नेऊन सामूहिक बलात्कार केला. २ जानेवारी रोजी तिने जिजा लालसिंग राठोड, अमोल मदन काष्टे, कुंडलिक बन्सी राठोड आणि नवनाथ बाबूराव जाधव चौघांविरुद्ध तक्रार दिली. पीडित महिला, तिचा पती, वैद्यकीय अधिकारी, ओळखपरेड घेणारे नायब तहसीलदार, गुन्हा नोंदविणारे एपीआय तळेकर, तपासी अधिकारी उपाध्यक्ष गौरव सिंग यांच्या साक्ष महत्त्वाच्या ठरल्या.