Delhi Chittaranjan Park Encounter: राजधानी दिल्लीतील सीआर पार्क परिसरात शुक्रवारी सकाळी पोलिस आणि गुडांमध्ये चकमक झाल्याची माहिती समोर आली आहे. दक्षिण दिल्लीतील पॉश भागात झालेल्या या चकमकीत एक गुंड जखमी झाल्याचे सांगण्यात येत आहे. पोलिसांनी एका गुडांच्या पायावर गोली झाडली असून, त्याला अटक केल्यानंतर रुग्णालयात दाखल केले आहे.
सविस्तर माहिती अशी की, दिल्लीतील या परिसरात काही चोरटे शिरल्याची माहिती पोलिसांना मिळाली होती. यानंतर पोलिसांनी त्यांना घेरले. पोलिसांनी यावेळी आरोपींना आत्मसमर्पण करण्यास सांगितले, पण त्यांनी पोलिसांवर गोळीबार केला. हल्लेखोरांच्या गोळीबारात पोलीस कर्मचारी थोडक्यात बचावले. प्रत्युत्तरादाखल केलेल्या गोळीबारात एक हल्लेखोर जखमी झाला. त्याच्या पायाला गोळी लागली आहे.