गौरी टेंबकर - कलगुटकर
मुंबई - दहिसरच्या स्टेट बँक ऑफ इंडियाच्या शाखेत गोळीबार करत संदेश गोमाने (२५) याची हत्या करत अडीच लाख लुटून पसार होणाऱ्या दोघांच्या मुसक्या रात्री पोलिसांनी आवळल्या. यात एकाचे नाव विकास यादव (२५) असून तो त्याच्या अन्य साथीदारासह उत्तर प्रदेशमधून मुंबईत आला होता. सूत्रांच्या म्हणण्यानुसार, गोळीबार करुन झाल्यावर ते दहिसरच्या पूर्व पश्चिम जोडणाऱ्या रेल्वे ब्रीजवरून पसार झाले.
विकास हा दहिसरच्या चाळीत शिरला. ज्याच्या मागावर असलेल्या दहिसर पोलिसांनी त्याच्या मुसक्या आवळल्या. तर दुसऱ्याला रावळपाड्यातून पोलिसांच्या संयुक्त पथकाकडून उचलण्यात आले. त्यांनी ज्याप्रकारे दरोडा टाकत हत्या केली त्यानुसार ते सराईत असल्याचे पोलिसांचे म्हणणे आहे. त्यांच्यावर मुंबईत काही क्राईम रेकॉर्ड जरी नसले, तरी उत्तर प्रदेशात गुन्हे दाखल असल्याची शक्यता आहे. त्यानुसार त्यांची चौकशी पोलीस करत आहेत.