रोहतक (हरियाणा) - काही दिवसांपूर्वी मुंबईतील विक्रोळीमधील तरुणींमध्ये झालेल्या हाणामारीचा एक व्हिडीओ व्हायरल झाला होता. आता तसाच प्रकार हरियाणामधील रोहतक येथे घडला आहे.(Crime News) येथे एका कोचिंग सेंटरच्या बाहेर मुलींच्या दोन गटांमध्ये जोरदार राडा झाला. त्यानंतर या हाणामारीचा व्हिडिओ सोशल मीडियावर मोठ्या प्रमाणात व्हायरल झाला आहे. या व्हिडीओमध्ये संबंधित तरुणी एकमेकींना लाथा बुक्क्यांनी मारताना दिसत आहेत. (In Rohtak, young Girls were beaten each other with kicked and punched)
रोहतकमधील डीएलएफ कॉलनीमध्ये शुक्रवारी दुपारी कोचिंग सेंटरच्या बाहेर तरुणींच्या दोन गटांमध्ये ही मारामारी झाली. यावेळी तरुणींनी एकमेकींना लाथाबुक्क्यांनी मारले. तसेच एकमेकींवर हातही उगारला. कधी रस्त्यावर आणून तर कधी शेजारील भिंतीवर आपटून या तरुणी एकमेकींना मारत होत्या या हाणामारीत या तरुणींना किरकोळ जखमा झाल्या आहेत. ही हाणामारी सुरू असताना काही जणांनी त्यांना सोडवण्याचा प्रयत्न केला. मात्र या मुलींपैकी कुणीही त्यांचे ऐकून घेतले नाही. यादरम्यान, कुणीतही या प्रकाराचा व्हिडीओ चित्रित केला आणि सोशल मीडियावार अपलोड केला. दरम्यान, मुलींच्या दोन गटातील वाद अधिकच चिघळल्यावर लोकांनी मध्यस्थी करून मुलींना शांत केले.
या हाणामारीमध्ये मुलींना किरकोळ जखमा झाल्या आहेत. दरम्यान, या प्रकाराबाबत आर्यनगर पोलीस ठाण्याचे प्रभारी वीरेंद्र कुमार यांनी सांगितले की, या प्रकरणात कुणाकडूनही कुठलीही तक्रार आलेली नाही. जर कुणी तक्रार केली तर त्यानुसार योग्य कारवाई केली जाईल.