- हुसेन मेमन
जव्हार - जव्हारमध्ये आईने तिच्या 3 वर्षीय बलिकेचा खून करून फेकून दिल्याची दुर्दैवी घटना सोमवारी घडली आहे. काळजाचा ठोका थांबवणाऱ्या या घटनेने सर्वत्र हळहळ व्यक्त होत आहे.
जव्हारच्या बायपास रोडवर अचानक नगर येथे रहाणारी आरोपी अफसाना उर्फ तारा सुलेमानी या 37 वर्षीय महिलेने स्वतःच्या पोटाची तान्हुली सना वय 3 हिला मारून प्लास्टिकच्या पोत्यात कोंबून बाहेर फेकून दिले होते. तिने हे कृत्य सोमवारी दुपारी केल्याचे कुबल आहे.
सायंकाळी ती उरूसात कुठे तरी हरवली असल्याचा बनाव केला, परिसरातील लोकांनी तिचा शोध सुरू केला काही वेळातच तिचा मृतदेह तिच्या घरच्या समोर बेकरीच्या शेजारी कचऱ्याच्या ढिगाऱ्यात सापडून आला. स्थानिकांनी प्रथम तिच्या जवळच्या कुटुंबियांना बेदम मारहाण केली, दरम्यान पोलिसांनी तातडीने घटनास्थळी धाव घेतली.
काही वेळातच पोलीस निरीक्षक आप्पासाहेब लेंगरे यांनी खाकी दखवताच आरोपी अफसाना ने हे कृत्य केल्याचे कबुल केले आहे. आरोपीला अटक करण्यात आली असून पुढील तपास पोलीस करीत आहेत.