ऑस्ट्रेलियामध्ये एक धक्कादायक घटना घडली आहे. एका पिझ्झासाठी बाप हैवान झाल्याची घटना समोर आली आहे. वडिलांनी रागाच्या भरात 6 महिन्यांच्या बाळाची जमिनीवर आपटून हत्या केली आहे. चुकीचा पिझ्झा डिलिव्हर करण्यात आला होता आणि त्यामध्ये कोल्ड ड्रिंकची बॉटलही नव्हती य़ामुळे तरुण संतापला. त्याने आधी आपल्या पत्नीला अमानुष मारहण केली आणि यानंतर मुलाला जमिनीवर आपटून त्याची हत्या केली आहे. या प्रकरणी पोलिसांनी आरोपीला अटक केली असून अधिक तपास सुरू आहे.
डेली स्टारने दिलेल्या वृत्तानुसार, ऑस्ट्रेलियाच्या विक्टोरियामध्ये राहणाऱ्या चेल्सी स्मिथने सांगितलं की तिचा पती एवेंडर विल्सन याने पिझ्झा ऑर्डर केला होता. जेव्हा पिझ्झा डिलिव्हर झाला तेव्हा तो हे पाहून भडकला की पिझ्झाही चुकीचा दिला गेला आहे आणि यात कोल्ड ड्रिंकची बॉटलही नाही. यानंतर त्याने आपल्या मुलांसमोरच चेल्सीला मारायला सुरुवात केलीआरोपीने आपल्या पत्नीचे केस पकडून तिला ओढलं आणि तिच्या चेहऱ्यावर देखील मारायला सुरुवात केली.
चुकीचा पिझ्झा आल्याने 'तो' प्रचंड चिडला
आरोपी एवढ्यावरच तो शांत बसला नाही तर यानंतर त्याने आपल्या सहा महिन्यांच्या मुलाला उचललं आणि फेकलं. बराच वेळ तो असंच करत राहिला. यादरम्यान डोकं जमिनीवर आपटून बाळाचा मृत्यू झाला आहे. बाळाची अवस्था पाहून आरोपी थांबला आणि लगेचच त्याला रुग्णालयात घेऊन गेला. पण 45 मिनिटांच्या आतच त्याचा मृत्यू झाला.
6 महिन्यांच्या लेकाचा घेतला जीव
डॉक्टरांनी दिलेल्या माहितीनुसार, डोक्याला मार लागल्यामुळे बाळाची प्रकृती गंभीर झाली होती आणि यातच त्याचा मृत्यू झाला. या घटनेनंतर दोन आठवडे बाळाची आई चेल्सी शांतच राहिली. मात्र, नंतर हिंमत करून तिने पोलिसांनी संपूर्ण घटना सांगितली. कोर्टाने याप्रकरणी इवेंडर विल्सन याला दोषी ठरवत तुरुंगात त्याची रवानगी केली आहे. एका हिंदी वेबसाईटने याबाबतचे वृत्त दिले आहे.