वॉशिंग्टन - आजकाल लग्नापूर्वी गर्लफ्रेंड-बॉयफ्रेंड लग्नाआधीच लिव्ह इनमध्ये राहू लागले आहेत. करिअरच्या व्यस्ततेमधून वेळ मिळत नसल्याने अनेक जोडपी लिव्ह इनमध्ये राहतात. पेन्सिल्वेनियामध्ये राहणाऱ्या ट्रेसी दौड्सने आपल्या बॉयफ्रेंडसोबत राहण्यासाठी एक घर खरेदी केले होते. ती आणि तिचा प्रियकर त्या घरात राहत होते.
न्यूयॉर्क पोस्टच्या वृत्तानुसार घर गर्लफ्रेंडने खरेदी केले होते. मात्र त्या घराची संपूर्ण देखभाल आणि सर्व काम बॉयफ्रेंडच करायचा. सुरुवातीला सारं काही आलबेल होतं. मात्र काही दिवसांनंतर बॉयफ्रेंडला गर्लफ्रेंडच्या बाथरूमधून कुबट दुर्गंधी येऊ लागली. ही दुर्गंधी बहुतांश रात्रीच यायची. त्यामुळे बॉयफ्रेंडला त्या घरात राहणे कठीण झाले. गर्लफ्रेंड रात्री असं काय करते, ज्यामुळे बाथरूममधून दुर्गंध येते, असा प्रश्न बॉयफ्रेंडला पडला.
त्यानंतर बॉयफ्रेंडने गर्लफ्रेंडसोबत मिळून बाथरूममध्ये शोध घेतला. बाथरुममध्ये एखादी मांजर मेली असावी, त्यामुळे कुबट वास येत असावा, असं बॉयफ्रेंडला वाटलं. अखेर नेमकी कोणती वस्तू आहे ज्यामुळे दुर्गंध येतेय हे शोधण्यासाठी बॉयफ्रेंडने प्लंबरला बोलावले. मात्र जेव्हा प्राण्याचा शोध सुरू झाला तेव्हा धक्कादायक बाब समोर आली. गर्लफ्रेंडच्या बाथरूममध्ये जे काही सापडले ते पाहून बॉयफ्रेंडला धक्काच बसला.
बॉयफ्रेंडने जेव्हा त्याच्या गर्लफ्रेंडच्या बाथरूममध्ये थोडं खोदकाम केलं तेव्हा बाथरूमच्या फरशीखाली एक सांगाडा सापडला. ते पाहून गर्लफ्रेंडलाही क्षणभर विश्वास बसला नाही. त्यांनी घर घेण्यापूर्वी तिथे कुठल्यातरी व्यक्तीचा मृतदेह पुरण्यात आला होता. त्यामुळे तिथे दुर्गंधी पसरली होती. त्यांनी त्वरित पोलिसांना फोन केला. पोलिसांनी तपास केला तेव्हा हा मृतदेह तिथे बऱ्याच दिवसांपासून लपवलेला होता असे समोर आले. दरम्यान, या घटनेनंतर सदर गर्लफ्रेंडला मोठा धक्का बसला आहे. एका सडत असलेल्या मृतदेहावर ती एवढे दिवस आंघोळ करत होती, यावर तिला विश्वास बसत नाही आहे