अनेक धक्कादायक घटना या सातत्याने समोर येत असतात. अशीच एक भयंकर घटना आता समोर आली आहे. मृत्यूपूर्वी एका तरुणाने विवाहित महिलेला तब्बल 1702 कॉल्स केले होते. यानंतर महिलेच्या सोशल मीडिया इन्फ्ल्यूएन्सर मुलीने तरुणाला संपवण्याचा कट रचला. तरुण विवाहित महिलेला ब्लॅकमेल करण्याचा प्रयत्न करत होता. न्यायालयीन सुनावणीदरम्यान या प्रकरणातील धक्कादायक माहिती समोर आली आहे. यावर्षी 11 फेब्रुवारीला 21 वर्षांच्या साकिब हुसेनचा ब्रिटनच्या लिस्टरशायरमध्ये अपघाती मृत्यू झाला. ए46 हायवेवर त्याचा मृत्यू झाला.
मिररने दिलेल्या वृत्तानुसार, अपघातावेळी साकिबच्या कारचा वेग 160 प्रतितास होता. यावेळी काही जण त्याच्या कारचा पाठलाग करत होते. अपघातात साकिब आणि त्याचा मित्र मोहम्मद हाशिम इजाजुद्दीनचा मृत्यू झाला. दोन कार साकिबच्या कारचा पाठलाग करत होत्या. मात्र त्याने कार थांबवली नाही. या प्रकरणात साकिबची प्रेयसी अंसरीन बुखारी आणि तिची सोशल मीडिया एन्फ्ल्यूएन्सर मुलगी महक बुखारी यांच्यासह आठ जणांची नावं पुढे आली. या सगळ्यांनी लिसेस्टर क्राऊन कोर्टात सर्व आरोपींना हजर करण्यात आले. मात्र त्यांनी हत्येचा आरोप फेटाळला.
साकिबने अंसरीन बुखारीला 1100 कॉल केले. या कॉलचा अवधी 5 सेकंद किंवा त्याहून कमी होता. 45 वर्षांच्या अंसरीनने देखील 200 कॉल केले. साकिब आणि अंसरीनची मुलगी महक यांच्यातही त्याच दरम्यान 78 कॉल झाले होते. पोलिसांनी आरोपींच्या फोनचा डेटा तपासला. ज्या दिवशी साकिबचा अपघात झाला, त्या दिवशी आरोपींचं लोकेशन लिसेस्टर आणि लॉगबोरोमध्ये आढळलं. तिन्ही कार (एक साकिबची आणि दोन आरोपींच्या) अपघाताआधी रात्री सव्वाच्या सुमारास एकाच ठिकाणी होत्या. साकिबचा अपघात सिक्स हिल्स जंक्शनजवळ होतं.
साकिबने इजाजुद्दीनचा फोन अंसरीन बुखारीला कॉल करण्यासाठी वापरला. कारण त्याचा फोन बंद झाला होता. हा कॉल रात्री 1.24 ते 1.27 च्या दरम्यान करण्यात आला. यानंतर इजाजुद्दीननं 999 या आपत्कालीन नंबरवर फोन केला. साकिब आणि अंसरीन यांचं प्रेमप्रकरण सुरू होतं. साकिबने अंसरीनचे अश्लील व्हिडीओ तिचा पती आणि मुलाला पाठवण्याची धमकी दिली. त्यानंतर महकने साकिबच्या हत्येचा कट रचला. साकिब अंसरीनला ब्लॅकमेल करत असल्याने महकने त्याला संपवल्याचं म्हटलं आहे. एका हिंदी वेबसाईटने याबाबतचे वृत्त दिले आहे.