नवी दिल्ली - देशात महिलांवरील अत्याचाराच्या, बलात्काराच्या घटना या सातत्याने समोर येत आहेत. अशीच एक माणुसकीला काळीमा फासणारी घटना घडली आहे. वडिलांचं डायलिसिस करायला गेलेल्या मुलीवर रुग्णालयातच बलात्कार झाल्याची धक्कादायक घटना घडली आहे. घटनेने एकच खळबळ उडाली आहे. हरियाणाच्या फरीदाबादमध्ये आपल्या वडिलांचं डायलिसिस करण्यासाठी एक 14 वर्षीय मुलगी रुग्णालयात आली होती. त्यावेळी रुग्णालयात हाऊसकिपिंगचं काम करणाऱ्या एका व्यक्तीने मुलीला गाठलं आणि तिच्यावर बलात्कार केला .
आरोपीने काहीतरी खोटं कारण सांगून मुलीला रुग्णालयाच्या बेसमेंटमध्ये नेलं. पोलिसांनी दिलेल्या माहितीनुसार, फरीदाबादच्या सेक्टर 16 मध्ये असलेल्या एका रुग्णालयात हा भयंकर प्रकार घडला. पोलिसांनी याप्रकरणातील आरोपीला अटक केली आहे. रुग्णालयात तो हाऊसकिपिंगचं काम करतो. 21 ऑगस्ट रोजी 14 वर्षीय मुलगी वडिलांच्या डायलिसिससाठी रुग्णालयामध्ये गेली होती. त्यावेळी वडिलांचं डायलिसिस सुरू असताना मुलगी बाथरुममध्ये गेली. तेथून बाहेर आल्यावर तिथेच आरोपी उभा होता. त्याने काहीतरी कारण सांगून तिला बेसमेंटमध्ये नेलं.
रुग्णालयाच्या बेसमेंटमध्ये अल्पवयीन मुलीवर बलात्कार करून नराधमाने तेथून पळ काढला. पोलिसांनी याप्रकरणी तक्रार दाखल केली असून रुग्णालयातील सीसीटीव्ही फुटेज पाहण्यात येत आहे. रुग्णालयातील इतर कर्मचाऱ्यांनी दिलेल्या माहितीनुसार आरोपीला अटक करण्यात पोलिसांना यश आलं आहे. एका हिंदी वेबसाईटने याबाबतचे वृत्त दिले आहे. अशीच एक धक्कादायक घटना समोर आली आहे. कुटुंबीयांनी लग्नाला परवानगी द्यावी म्हणून एका कपलने भयंकर पाऊल उचललं आहे. बॉयफ्रेंडसोबत लग्न करण्यासाठी गर्लफ्रेंडने स्वत:वरच अॅसिड अटॅक केला आहे. ज्यानंतर घरच्यांनी तिचं बॉयफ्रेंडसोबत लग्न लावून दिलं.
प्रेमासाठी काय पण! बॉयफ्रेंडसोबत लग्न करण्यासाठी गर्लफ्रेंडने स्वत:वरच केला अॅसिड अटॅक अन्...
बिहारच्या नालंदा जिल्ह्यात ही धक्कादायक घटना घडली आहे. पोलिसांनी याप्रकरणी तरुणीसह पाच आरोपींनी अटक केली आहे. 48 तासांच्या आतमध्ये त्यांनी या प्रकरणाची पोलखोल केली. डीएसपी शिब्ली नोमानी यांनी दिलेल्या माहितीनुसार, तरुणीचं साजन कुमार नावाच्या तरुणासोबत गेल्या सात वर्षांपासून प्रेमप्रकरण होतं. मात्र तरुणीच्या घरच्यांनी या लग्नाला विरोध केला होता. त्यामुळे या दोघांनी मिळून हा मोठा निर्णय घेतला. तसेच अॅसिड अटॅक करून शरीराच्या काही भागाला इजा पोहचवण्याचं ठरवलं. असं केल्यानंतर तरुणीच्या घरचे लग्नाला तयार होतील असं त्यांना वाटलं. म्हणूनच 18 ऑगस्टला साजनने आपल्या तीन भावांसह हे कृत्य केलं. ज्या दिवशी घटना घडली तेव्हा साजन आणि तरुणी एकत्रच फिरत होते.