उत्तर प्रदेशच्या उन्नावमद्ये रविवारी सायंकाळी धारदार शस्त्रास्त्रे असलेल्या अज्ञात गुन्हेगारांनी एका तरूणाच्या घरात शिरत कथितपणे त्याचा प्रायव्हेट पार्ट कापला. पोलिसांनुसार, गौरी गावात अज्ञात लोक एका घरात जबरदस्ती घुसले आणि घरातील तरूणाला त्यांनी बंदी बनवलं. त्यानंतर धारदार शस्त्राने त्याचा प्रायव्हेट पार्ट कापला.
पीडित तरूणाचं नाव कमलेश आहे. त्याच्यावर लखनौमधील एका हॉस्पिटलमध्ये उपचार सुरू आहेत आणि त्याची तब्येत नाजूक असल्याची माहिती आहे. पोलिसांनी अज्ञात गुन्हेगारांविरोधात गुन्हा दाखल केला असून त्यांचा शोध घेतला जात आहे.
अतिरिक्त पोलीस अधिक्षक शशी शेखर सिंह म्हणाले की, आम्ही गुन्हेगारांचा शोध घेण्यासाठी एक डॉग स्क्वॉड कामाला लावलं आहे. या कृत्यामागे असलेल्या गुन्हेगारांबाबत आम्ही लोकांनाही विचारत आहे. गुन्हेगारांना लवकरच अटक केली जाईल. पोलीस म्हणाले की, या कृत्यामागे किती गुन्हेगार होते हे अजून समजू शकलेलं नाही. आम्ही पीडित तरूणाचा जबाब घेऊ शकलो नाहीत. तो बरा झाला की, त्याचा जबाब घेतला जाईल.
चौकशी दरम्यान समोर आलं की, काही लोक शस्त्रास्त्र घेऊन कमलेशच्या घरात जबरदस्ती घुसले होते. हल्लेखोरांनी आधी त्याला बेदम मारहाण केली आणि त्यानंतर त्याचा प्रायव्हेट पार्ट कापला. घटना घडली तेव्हा कमलेश घराच्या व्हरांड्यात झोपला होता. जेव्हा कमलेशने मदतीसाठी आवाज दिला तेव्हा गुन्हेगार अंधाराचा फायदा घेत फरार झाले. परिवारातील सदस्यांनी हल्लेखोरांना पकडण्याचा प्रयत्न केला. पण ते फरार झाले.
हल्लेखोरांनी हा हल्ला का केला? त्यांनी कमलेशचा प्रायव्हेट पार्ट का कापला? याबाबतचचं कोणतंही कारण अजून समोर आलेलं नाही. पोलीस वेगवेगळ्या प्रकारे या प्रकरणाचा तपास करत आहेत. पोलिसांच्या काही टीम गुन्हेगारांच्या शोधासाठी पाठवण्यात आल्या आहेत.