Coronavirus : मुंबईत क्वारंटाइनमधून पळालेल्या १५ जणांची धरपकड

Coronavirus : हे सर्वजण मूळचे पंजाबचे आहेत.

ठळक मुद्दे खारमध्येच ताब्यात घेण्यात आल्याचं सूत्रांनी सांगितलं. हे १५ संशयित खारमध्ये असल्याची माहिती आम्हाला मिळाली होती.या १५ जणांना पकडण्यासाठी पोलीस, जिल्हाधिकारी आणि पालिका अधिकाऱ्यांनी एक टीम तयार केली होती.

मुंबई - करोनावर उपचार घेत असलेले १५ संशयित रुग्ण क्वारंटाइनमधून पळाले होते. मात्र, या १५ जणांना ताब्यात घेण्यात प्रशासनाला यश आलं आहे. सर्वजण दुबईहून मुंबईत आले होते. हे सर्वजण मूळचे पंजाबचे आहेत. त्यांच्या हातावर क्वारंटाइनचा स्टॅम्प मारलेला होता. त्यांना क्वारंटाइनमध्ये ठेवण्यात आले होते. तिथून न हालण्याची सक्त ताकीदही देण्यात आली होती. मात्र हे १५जण क्वॉरंटाइन कॅम्पमधून पळाले. अंधेरीत त्यांनी लोकल पकडली आणि खारमध्ये उतरले. त्यांना खारमध्येच ताब्यात घेण्यात आल्याचं सूत्रांनी सांगितलं. या १५ जणांना पकडण्यासाठी पोलीस, जिल्हाधिकारी आणि पालिका अधिकाऱ्यांनी एक टीम तयार केली होती.

लॉकडाउनची ऐसी तैसी! मुलुंड, सायनमध्ये वाहनांच्या रांगाहे १५ संशयित खारमध्ये असल्याची माहिती आम्हाला मिळाली होती. त्यामुळे आमच्या पथकाने रेल्वे स्टेशनवर धाव घेतली आणि दुपारी साडेबाराच्या दरम्यान त्यांना पकडून पालिका अधिकारी व जिल्हाधिकाऱ्यांच्या हवाली करण्यात आलं. या सर्वांच्या हातावर क्वारंटाइन स्टॅम्प लावलेला होता, असं वरिष्ठ पोलीस निरीक्षक गजानन कब्दुले यांनी सांगितलं.