ठळक मुद्देसार्वजनिक बांधकाम विभागाच्या उत्तर विभाग कार्यकारी अभियंता कार्यालयातील मुख्य व वरिष्ठ लिपिक यांना १० हजाराची लाच स्विकारताना लाचलुचपत प्रतिबंधक विभागाने पकडले आहे.
नाशिक : आपल्याच कार्यालयातील निवृत्त सहकाऱ्याकडून लाचेची मागणी करणारे सार्वजनिक बांधकाम विभागाच्या उत्तर विभाग कार्यकारी अभियंता कार्यालयातील मुख्य व वरिष्ठ लिपिक यांना १० हजाराची लाच स्विकारताना लाचलुचपत प्रतिबंधक विभागाने पकडले आहे. यात मुख्य लिपीक प्रविण नामदेव पिंगळे व वरिष्ठ लिपिक लता शांताराम लहाने (बोडके) यांचा समावेश असून त्यांना निवृत्त कर्मचाऱ्याकडून सेवापुस्तक पडताळणी व रजेच्या फरकाल्या बिलासह अन्य बिलांचे काम करून देण्यासाठी १० हजार रुपयांची लाच स्विकारताना लाचलुचपत प्रतिबंधक विभागाने गुरुवारी (दि.२३) सापळा रचून पकडले आहे.