ब्रिटनमध्ये १५ वर्षाच्या शाळकरी मुलासोबत जबरदस्ती लैंगिक संबंध ठेवणाऱ्या शिक्षकाला कोर्टाने ५ वर्षांची शिक्षा सुनावली आहे. गुन्हा सिद्ध झाल्यावर आणि कोर्टाने शिक्षा सुनावल्यावर शाळेच्या प्रशासनाने दोषी शिक्षकाला नोकरीहून काढलं आहे. पीडित मुलगा दुसऱ्या शाळेचा विद्यार्थी असल्याचे सांगितले आहे. दोघांची ओळख एका डेटींग अॅपच्या माध्यमातून झाली होती.
पीडित पक्षाचे वकील बेन लॉरेन्सने बोल्टन क्राउन कोर्टात सांगितले की, क्रेग स्लेटर इंग्लंडच्या एश्टन-इन-मेकरफील्डच्या बायरचेल हाय स्कूलमध्ये आयटीचा शिक्षक होता. त्याने पहिल्यांदा ग्रिंडर डेटींग अॅपच्या माध्यमातून पीडित विद्यार्थ्याला संपर्क केला होता. त्याने कोर्टाला हेही सांगितले की, ४० वर्षीय क्रेग स्लेटरने जून आणि नोव्हेंबर २०१९ दरम्यान मुलाला भेटण्यासाठी बरेच प्रयत्न केले होते. (हे पण वाचा : लाजिरवाणी घटना! ७० वर्षीय महिलेवर बलात्कार; तब्येत बिघडल्याने दुष्कर्म आले उघडकीस )
सुनावणी दरम्यान कोर्टाने सांगितले की, आरोपी क्रेद स्लेटरच्या डिलीट करण्यात आलेले व्हॉट्सअॅप मेसेज वाचल्यानंतर हे स्पष्ट होतं की, आरोपीला पीडित मुलाच्या वयाबाबत माहीत होतं. कोणत्याही डेटींग अॅपवर रजिस्टर करण्यासाठी १८ वर्षापेक्षा अधिक वय असणं गरजेचं आहे.
मात्र, पीडित मुलाने चुकीचं वय सांगून अॅपवर स्वत:चं नाव रजिस्टर केलं होतं. क्रेगने मुलासोबत चॅट करताना स्वत:चं नाव एंड्रूयू स्पिल्टर सांगितलं होतं. तो याच नावाने पीडित मुलासोबत चॅट करत होता. मुलाच्या वकिलाने सांगितले की, आरोपी शिक्षक मुलासोबत अॅडल्ट जोक आणि चॅट करत होता. त्याने मुलाला सांगितले की, तो त्याच्या पार्टनरला या नात्याबाबत काही सांगणार नाही. कारण आरोपी आधीच एका महिलेसोबत रिलेशनशिपमध्ये होता. (हे पण वाचा : एकाच वेळी ३५ गर्लफ्रेंड्ससोबत मजा करत होता रोमिओ; १ चूक अंगाशी आली अन् झाली पोलखोल)
हॉटेलमध्ये बोलवलं आणि...
आरोपीने मुलाला भेटण्यासाठी अनेकदा मनवल्याचं दिसतं. पण नेहमीच कोणत्या ना कोणत्या कारणाने त्याला भेटता येत नव्हतं. एक दिवस चॅट करताना त्याला मुलाच्या १६व्या वाढदिवसाबाबत समजलं. ज्यानंतर त्याने महागडे गिफ्ट खरेदी केले आणि मुलाला ते घेण्यासाठी एका हॉटेलमध्ये बोलवलं. तो तिथे आल्यावर त्याने मुलासोबत जबरदस्ती केली.
आरोपीच्या तावडीतून सुटून मुलगा कसातरी पळाला. त्यानंतर त्याने सगळी घटना पोलिसांना सांगितली. ज्यानंतर क्रेग स्लेटरला अटक करण्यात आली. पोलिसांनीही पुरावा म्हणून त्याचा फोन ताब्यात घेतला होता. चौकशी दरम्यान क्रेगने स्वीकारलं की, तो १६ ते १९ वयोगटातील मुलांबाबत पझेसिव्ह राहत होता. त्याने दावा केला होता की, डेटींग अॅपवर प्रोफाइल असल्या कारणाने त्याला पीडित कमी वयाचा असल्याची माहिती नव्हती.