Crime News : उत्तर प्रदेशच्या (Uttar Pradesh) पीलीभीतमधून एक अजब घटना समोर आली आहे. इथे एका तरूणीचं लग्न यावर्षी जुलैमध्ये झालं होतं. लग्नाच्या काही दिवसांनी नवरीच्या पोटात वेदना झाल्या. जेव्हा ती डॉक्टरकडे गेली तेव्हा समजलं की, नवरी तीन महिन्यांची गर्भवती आहे. यानंतर तरूणीने हे स्वीकारलं की, तिच्या पोटातील बाळ हे तिच्या भाओजीचं आहे. मग भाओजी आणि मेहुणी सोबत राहू लागतात. पण नंतर एकेदिवशी तरूणीचा मृतदेह संशयास्पद स्थितीत आढळून येतो. कुटुंबियांनी तरूणीच्या भाओजीवर हत्येचा आरोप लावला आहे.
देश नगरमध्ये राहणाऱ्या 24 वर्षीय निदाचा निकाह याचवर्षी 23 जुलैला चंदोई गावातील सईद अहमदसोबत झाला होता. लग्नाच्या काही दिवसांनी निदाच्या पोदात वेदना झाल्या. कुटुंबिय तिला डॉक्टरकडे घेऊन गेले. जिथे समजलं की, निदा महिन्यांची गर्भवती आहे.
हे ऐकून सगळेच प्रश्नात पडले आणि दोन्ही परिवाराने पंचायत बोलवली. पंचायतमध्ये निदाने सर्वांसमोर हे मान्य केलं की, तिच्या पोटात बाळ आहे आणि ते तिचा भाओजी नसीरचं आहे. नसीरही पंचायतमध्ये बसला होता. तेव्हा नसीर म्हणाला की, तो निदासोबत लग्न करायला तयार आहे आणि तो तिला सोबत ठेवेल. निदाही आनंदाने भाओजीच्या घरी जाते आणि लिव्ह इन रिलेशनशिपमध्ये राहू लागते.
या घटनेच्या एक महिन्यांतर निदाचा मृतदेह गळफास घेतलेल्या संशयास्पद स्थितीत दिसून येतो. निदाच्या कुटुंबियांनी नसीरवर हत्येचा आरोप केला आहे. निदाचा भाऊ इरशाद म्हणाला की, लग्नाच्या काही दिवसांनीच आम्हाला समजलं की, निदाच्या पोटात आमच्या भाओजीचं बाळ आहे. यावरून निदाने पतीला घटस्फोट दिला आणि निदा आपल्या भाओजीसोबत राहू लागली होती.
याप्रकरणी सीओ सदर सुनील दत्त यांनी सांगितलं की, मृत महिलेचा पतीसोबत घटस्फोट झाला होता आणि ती तिच्या भाओजीसोबत राहू लागली होती. तिचा घटस्फोट तिच्या भाओजीसोबत अनैतिक संबंधामुळे झाला होता. आज तिने काही कारणाने आत्महत्या केली. महिलेच्या कुटुंबियांनी हत्येचा संशय व्यक्त केला आहे ज्याची आम्ही चौकशी करत आहोत.