टोरँटो - एका गर्लफ्रेंडने तिच्या बॉयफ्रेंडबाबत एक धक्कादायक दावा केला आहे. आपला बॉयफ्रेंड आपल्याला रस्त्यावर भीक मागायला भाग पाडायचा. तसेच पुरेशी कमाई न केल्यास आपल्याला बेदम मारहाण करायचा, असे या गर्लफ्रेंडने म्हटले आहे. तसेच या बॉयफ्रेंडने एकेदिवशी माझ्यावर पेचकसने अनेक वार करून मला जखमी केले, असेही या गर्लफ्रेंडने म्हटले आहे. दरम्यान, सध्या या तरुणीचा बॉयफ्रेंड तुरुंगात आहे. (Boyfriend forced girlfriend to beg on streets, finally the shocking reality of the boyfriend came to the fore)
याबाबतची सविस्तर माहिती अशी, मिरर यूकेने दिलेल्या वृत्तानुसार कॅनडाच्या पीटरबर्ग येथील २२ वर्षीय निकोल क्लार्ज हिने आपला २१ वर्षीय बॉयफ्रेंड काईल हेलमबाबत धक्कादायक दावा केला आहे. निकोलने सांगितले की, काईल हा सुरुवातीपासून फूट पाडणाऱ्या स्वभावाचा होता. त्याने मला माझे मित्र आणि कुटुंबीयांपासून वेगळे केले.
हे युगुल एकाच हॉस्टेलमध्ये राहायचे. तसेच काहीच आठवड्यात एकमेकांना डेट करू लागले होते. मात्र एकेदिवशी काईलने मद्यधुंद अवस्थेत निकोलच्या चेहऱ्यावर ठोसा लगावला. निकोलने विरोध केल्यावर त्याने तिची माफी मागितली आणि हा विषय टाळला. मात्र दिवसेंदिवस काईल त्याची गर्लफ्रेंड असलेल्या निकोलवर वर्चस्व गाजवण्याचा प्रयत्न करू लागला. तो तिला बंदी बनवून ठेवू लागला. तसेच तिच्यासोबत गुलामांसारखे वागू लागला.
त्याच्यापासून पिच्छा सोडवून घेण्यासाठी निकोलले रूम बदलला. मात्र काईल तिच्या मागे मागे तिथेही आला. तो निकोलचा मोबाईल रोज चेक करायचा. तो तिला कुणाबरोबर बोलू देत नसे, तसेच तिला नियमितपणे मारहाण करत असे. एवढेच नाही तर तो निकोलचे क्रेडिट कार्ड आपल्याजवळ ठेवत असे. हद्द तक तेव्हा झाली जेव्हा काईलने कुठल्यातरी भिकाऱ्याची भेट घेऊन येत निकोलवर भीक मागण्यासाठी दबाव आणू लागला. भीतीमुळे निकोल फुटपाथवर भीक मागू लागली मात्र एके दिवशी भीक कमी मिळाल्याने काईल संतापला. त्याने पेचकसने तिच्या गुडघ्यांवर वार केले. त्यात ती गंभीर जखमी झाली. भीक म्हणून मिळालेले सर्व पैसे तो स्वत:कडे ठेवत असे आणि दारूमध्ये उडवत असे.
एकेदिवशी भररस्त्यात निकोलला मारहाण होत असताना पाहून एक महिला तिला घरी घेऊन आली. तिने संपूर्ण घटना पोलिसांना सांगितली. त्यानंतर पोलिसांनी काईलला अटक केले. तसेच तिला कोर्टात हजर करण्यात आले. जिथे तिला चार वर्षांच्या तुरुंगवासाची शिक्षा सुनावण्यात आली.