Crime News : कर्नाटकच्या बंगळुरूमध्ये एका मुलीने आपल्या आईची हत्या केली. नंतर तिचा मृतदेह सुटकेसमध्ये टाकून पोलिसांकडे पोहोचली. पोलिसांसमोर तिने कबूल केलं की, तिनेच तिच्या आईची हत्या केली आहे. कारण दोघींमध्ये नेहमीच भांडण होत होतं. पोलिसांनी तरूणीला अटक केली आहे.
मिळालेल्या माहितीनुसार, 39 वर्षीय तरूणी अचानक एक सुटकेस घेऊन मायको लेआउट पोलीस स्टेशनमध्ये पोहोचली. पोलिसांनी काही विचारण्याआधी तरूणीने बोलायला सुरूवात केली. तिने सांगितलं की, ती एक फिजिओथेरपिस्ट आहे. तिचं आणि तिच्या आईचं नेहमीच भांडण होत होतं. याच कारणाने कंटाळून तिने आपल्या आईची हत्या केली. तिने सांगितलं की, तिला पळून जायचं नव्हतं. त्यामुळे ती मृतदेह सुटकेसमध्ये भरून पोलीस स्टेशनमध्ये आली.
तरूणीने सांगितलं की, ती मुळची पश्चिम बंगालची आहे. इथे ती तिचा पती, सासू आणि आईसोबत राहते. जेव्हा तिने आईची हत्या केली तेव्हा तिचा पती घरात नव्हता आणि सासूला याबाबत तिने काही समजू दिलं नाही. कारण ती दुसऱ्या रूममध्ये होती. पोलिसांनी तरूणीला अटक केली आणि पुढील चौकशी करत आहेत.