नेरुळमध्ये परीक्षेसाठी आलेल्या विद्यार्थ्यीनीवर बिअरच्या बाटलीने जीवघेणा हल्ला केल्याची घटना समोर आली आहे. याप्रकरणी पोलिसांनी एका आरोपीला अटक केली आहे.
नेरुळचे वरिष्ठ पोलीस अधिकारी तानाजी भगत यांनी दिलेल्या माहितीनुसार, ऐरोली येथील रहिवासी असलेली विद्यार्थीनी नेरुळ येथील एका महाविद्यालयात परीक्षेसाठी आली होती.यावेळी ती तिच्या मैत्रिणींसोबत कॉलेज जवळील बस स्टॉपवर उभी होती. दरम्यान,आरोपींनी अचानक बिअरची बाटली फोडून विद्यार्थ्यीनीवर जीवघेणा हल्ला केला आहे. त्यानंतर आजूबाजूचे काही लोक मदतीसाठी आले असता, लोकांना पाहून आरोपी तेथून पळून गेला. प्रत्यक्षदर्शींनी पोलिसांना या घटनेची माहिती दिली होती. पोलिसांना घटनेची माहिती मिळताच त्यांनी घटनास्थळ गाठून जखमी विद्यार्थिनीला रुग्णालयात दाखल केले आणि आरोपीला ताब्यात घेतले आहे. याबाबत नेरूळ पोलीस अधिक तपास करत आहेत.