प्रियकराचं संतापजनक कृत्य, प्रेयसी देतेय मृत्यूची झुंज; लिव्ह इनमध्ये राहणं तरुणीला जीवावर बेतलं

या दोघांची भेट सप्टेंबर २०२५ मध्ये झाली होती. ते दोघेही मागील काही महिन्यांपासून सेक्टर ६९ येथील एका घरात एकत्र राहत होते

गुरुग्राम - एका अज्ञात युवकाशी मैत्री आणि त्यानंतर त्याच्यावर लिव्ह इनमध्ये राहण्याचा निर्णय एका युवतीच्या जीवावर बेतला आहे. शरीरावर अनेक जखमा आणि शारीरिक छळ झेलणारी ही युवती आज दिल्लीतल्या एम्स रुग्णालयात मृत्यूशी झुंज देत आहे. 

'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!

हरियाणातील १९ वर्षीय युवती लिव्ह इन पार्टनरसोबत दिल्लीत राहत होती. कथितपणे तिला पार्टनरने बेदम मारहाण केल्याचा आरोप आहे. या मारहाणीत ही मुलगी इतकी गंभीर जखमी झाली की तिच्यावर एम्समध्ये उपचार करण्यात येत आहेत. पोलिसांनी या आरोपीला अटक केली असून तो दिल्लीतील शिवम नावाचा रहिवासी आहे.  जेव्हा या मुलीला सेक्टर १० मधील रुग्णालयात आणले गेले तेव्हा तिच्या शरीरावर भाजल्याचे निशाण होते. या मुलीची प्रकृती चिंताजनक असल्याने तिला अत्याधुनिक उपचारासाठी दिल्लीतील एम्स रुग्णालयात पाठवण्यात आले.

या दोघांची भेट सप्टेंबर २०२५ मध्ये झाली होती. ते दोघेही मागील काही महिन्यांपासून सेक्टर ६९ येथील एका घरात एकत्र राहत होते. या दोघांच्या लग्नाशी बोलणीही कुटुंबात सुरू होती. गुरुवारी रात्री दोघांमध्ये मोठा वाद झाला. या वादात आरोपीने युवतीवर हल्ला केला. त्यात पीडित युवती गंभीर जखमी झाली. रात्री उशिरा युवतीच्या आईने ही घटना पोलिसांना सांगितल्यानंतर पोलीस घटनास्थळी पोहचले आणि त्यांनी युवतीची सुटका केली. 

आरोपी अटकेत, पोलीस तपास सुरू

दरम्यान, या घटनेतील आरोपी रागाच्या भरात पीडितेवर हल्ला केला. सुरुवातीच्या तपासात आरोपीला लिव्ह इनमध्ये राहणाऱ्या पार्टनरच्या चारित्र्यावर संशय होता. आरोपी शिवमला अटक करण्यात आली आहे आणि त्याची चौकशी सुरू आहे. घटनास्थळावरून पुरावे गोळा केले जात आहेत. सीसीटीव्ही फुटेजच्या आधारे तपास सुरू आहे अशी माहिती पोलीस उपायुक्त हितेश यादव यांनी दिली.