हैदराबाद - हैदराबादच्या मंदिरातील एक पुजारी देखील पबजी गेमच्या व्यसनातून सुटला नाही. या पुजाऱ्याला पबजी गेमची इतकी सवय लागली की त्याने आपले व्यसन पूर्ण करण्यासाठी तो महागड्या स्पोर्ट्स सायकलीच चोरी करत होता. शेवटी हा पुजारी पोलिसांच्या जाळ्यात सापडला. नंदुला सिद्धार्थ शर्मा (१९)असं या पुजाऱ्याचं नाव आहे.
त्याची सध्या परवानगी कोठडीत करण्यात आली आहे. नंदुला हैदराबाद येथील गंगा पूरम कॉलनीत आईसोबत राहतो. तो मंदिरात पुजारी म्हणून काम करतो. काही महिन्यांपासून त्याला पबजी गेम खेळण्याचे व्यसन जडले. त्यामुळे आपल्या व्यसनापायी तो पैैसे न मिळाल्याने आईशी भांडण करू लागला. त्याने आतापर्यंत ३१ सायकली चोरल्या आहेत. अखेर गुरुवारी पोलिसांनी त्याची चोरी पकडली.
हैदराबाद पोलिसांनी त्याला अटक केली असून त्याच्याकडून एकूण १२ सायकली जप्त करण्यात आल्या आहेत. याप्रकरणी पोलिसांनी गुन्हा दाखल केला असून अधिक तपास सुरू आहे. घरातून पैसे न मिळाल्याने त्याने सुरुवातीला शेजाऱ्यांच्या सायकली चोरण्यास सुरुवात केली. त्यानंतर इतर महागड्या स्पोर्ट्स सायकलीही चोरण्यास सुरुवात केली. या सायकली विकून तो त्याचे व्यसन पूर्ण करत होता.