मुलांवर अपेक्षांचे ओझे लादू नका

करिअरची निवड करण्यापूर्वी पालकांनी आपल्या मुलांवर कधीही अपेक्षांचे ओझे लादू नये. हवे तर मुलांना निरनिराळ्या क्षेत्रातील करिअरच्या संधींविषयी माहिती द्या. मुलाला ज्या क्षेत्रात जाण्याची मनापासून इच्छा आहे; त्या क्षेत्रात त्याला जाऊ द्या. मुलांनीदेखील केवळ पैसा कमवण्याचे साधन म्हणून एखादे क्षेत्रात करिअर करण्याचे ठरवू नका. ज्या क्षेत्रात आत्मिक समाधान मिळेल, यश व प्रतिष्ठा मिळेल, त्याच क्षेत्राची निवड करावी. करिअर निवडताना सखोल विचार करा, गरज असेल तर चांगल्या समुपदेशकाकडून करिअरविषयी समुपदेशन करून घ्या, असे प्रा.सी.वाय. पाटील यांनी मार्गदर्शन करताना सांगितले.