छत्रपती संभाजीनगर : महाराष्ट्र राज्य माध्यमिक व उच्च माध्यमिक शिक्षण मंडळाच्या विभागीय मंडळाने घेतलेल्या दहावीच्या परीक्षेत छत्रपती संभाजीनगर जिल्ह्याचा निकाल ९३.६० टक्के लागला. जिल्ह्यातील ६६ हजार ६२६ विद्यार्थ्यांनी दहावीची परीक्षा दिली होती. त्यापैकी ६२ हजार ३६६ विद्यार्थी उत्तीर्ण झाले. विशेष म्हणजे यंदा प्रथम श्रेणीपेक्षा प्रावीण्य श्रेणीत उत्तीर्ण होणाऱ्या म्हणजे ७५ टक्क्यांपेक्षा अधिक गुण घेणाऱ्या विद्यार्थ्यांची संख्या अधिक आहे. तब्बल २२ हजार ५४६ विद्यार्थी प्रावीण्य श्रेणीत, तर २१ हजार ४८५ विद्यार्थी प्रथम श्रेणीत उत्तीर्ण झाले.
जिल्ह्यात द्वितीय श्रेणीत उत्तीर्ण (४५ ते ५९.९९ टक्के गुण घेणारे) विद्यार्थ्यांची संख्या सुमारे १४ हजार ३७५ आहे, तर तृतीय श्रेणी ( ३५ ते ४४.९९ टक्के गुण घेऊन उत्तीर्ण ) विद्यार्थ्यांची संख्या ३ हजार ९६० आहे. ही टक्केवारी अवघी ६.३४ टक्के आहे. त्यामुळे यंदा विद्यार्थ्यांना भरभरून गुण मिळाल्याचे चित्र आहे.जिल्ह्यात उत्तीर्ण होण्यात मुलीच आघाडीवर आहेत. शिक्षण मंडळाने जाहीर केलेल्या निकालानुसार जिल्ह्यात सिल्लोड तालुक्याचा सर्वाधिक ९६.८९ टक्के निकाल लागला. सर्वांत कमी निकाल पैठण तालुक्याचा ९२.१४ टक्के लागला. यंदा जिल्ह्याचा निकाल ९३.६० टक्के लागलेला असताना मागील वर्षी हाच निकाल ९५.५१ टक्के होता. गतवर्षीच्या तुलनेत यंदा १.९१ टक्क्यांनी निकाल घसरला. काॅपीमुक्त अभियानामुळे निकालात घट झाल्याची चर्चा आहे. जिल्ह्यात एका परीक्षा केंद्रावर गैरप्रकार आढळला होता, तर परीक्षेनंतर ११ गैरमार्गाचे प्रकरणे समोर आली. यात उत्तरपत्रिका फाडणे, अक्षरात बदल, रेषा मारणे आदी प्रकारांचा समावेश आहे.
जिल्ह्याचा निकालनोंदणी केलेले विद्यार्थी - ६६, ९८२परीक्षा दिलेले विद्यार्थी - ६६, ६२६उत्तीर्ण विद्यार्थी - ६२, ३६६टक्केवारी- ९३.६० टक्केउत्तीर्ण मुले-३३,८९१ (९१.७७ टक्के)उत्तीर्ण मुली - २८,४७५ (९५.८८ टक्के)
जिल्ह्यातील श्रेणीनिहाय उत्तीर्ण विद्यार्थी संख्याश्रेणी - उत्तीर्ण विद्यार्थीप्रावीण्य श्रेणी- २२,५४६ (३६.१५ टक्के)प्रथम श्रेणी - २१,४८५ (३४.४४ टक्के)द्वितीय श्रेणी- १४,३७५ (२३.०४ टक्के)उत्तीर्ण - ३,९६० (६.३४ टक्के)एकूण उत्तीर्ण - ६२, ३६६
-------तालुक्यानिहाय जिल्ह्याचा निकाल१) छत्रपती संभाजीनगरपरीक्षार्थी-२७,३६०उत्तीर्ण-२५,५२५टक्केवारी-९३.२९ टक्केउत्तीर्ण मुले- १३, ६६७ (९१.६२ टक्के)उत्तीर्ण मुली- ११,८५८ ( ९५.२९ टक्के)-------२) गंगापूरपरीक्षार्थी- ९,००३उत्तीर्ण- ८,३४७टक्केवारी-९२.७१ टक्केउत्तीर्ण मुले- ४,५९० (९०.९९ टक्के)उत्तीर्ण मुली-३,७५७ (९४.८९ टक्के)-------३) कन्नडपरीक्षार्थी-५,६२३उत्तीर्ण-५,२०३टक्केवारी-९२.५३ टक्केउत्तीर्ण मुले-२,७७५ (८९.६३ टक्के)उत्तीर्ण मुली-२,४२८ (९६.०८ टक्के)------४) खुलताबादपरीक्षार्थी-२,५४५उत्तीर्ण-२,४१४टक्केवारी-९४.८५ टक्केउत्तीर्ण मुले-१,३८५ (९३.४५ टक्के)उत्तीर्ण मुली-१,०२९ (९६.८० टक्के)-------५) पैठणपरीक्षार्थी-५,९२२उत्तीर्ण-५,४५७टक्केवारी-९२.१४ टक्केउत्तीर्ण मुले- २,९९६ (८९.४८ टक्के)उत्तीर्ण मुली- २,४६१ ( ९५.६१ टक्के)------६) सिल्लोडपरीक्षार्थी-६,७५३उत्तीर्ण-६,५४३टक्केवारी - ९६.८९ टक्केउत्तीर्ण मुले - ३,५२१ ( ९५.९१ टक्के)उत्तीर्ण मुली-३,०२२ (९८.०५ टक्के)--------७) सोयगावपरीक्षार्थी-१,५४३उत्तीर्ण-१,४४०टक्केवारी- ९३.३२ टक्केउत्तीर्ण मुले-८४१ (९१.४१ टक्के)उत्तीर्ण मुली-५९९ (९६.१४ टक्के)--------८) वैजापूरपरीक्षार्थी-४,६१५उत्तीर्ण-४,३८०टक्केवारी-९४.९० टक्केउत्तीर्ण मुले- २,३९० (९२.८५ टक्के)उत्तीर्ण मुली-१,९९० (९७.५० टक्के)--------९) फुलंब्रीपरीक्षार्थी-३,२६२उत्तीर्ण-३,०५७टक्केवारी-९३.७१ टक्केउत्तीर्ण मुले- १,७२६ (९१.९५ टक्के)उत्तीर्ण मुली-१,३३१ (९६.१० टक्के)
नव्याने यश संपादन करागुणपडताळणी आणि उत्तरपत्रिका छायाप्रतीसाठी १४ ते २८ मे पर्यंत ऑनलाइन अर्ज करता येईल. जून-जुलैमध्ये आयोजित करण्यात येणाऱ्या पुरवणी परीक्षेसाठी १५ मेपासून मंडळाच्या संकेतस्थळावरून ऑनलाइन आवेदनपत्र भरून घेण्यात येईल. अनुत्तीर्ण विद्यार्थ्यांनी नव्या उमेदीने यश संपादन करावे.- अनिल साबळे, विभागीय अध्यक्ष, विभागीय मंडळ