औरंगाबाद : जालना रोडवरील शेकटा गावाजवळ भरधाव कारने रिक्षाला जोरदार धडक दिल्याने झालेल्या अपघात रिक्षातील चारजण जागीच ठार झाल्याची घटना बुधवारी सकाळी ९:४५ वाजेदरम्यान घडली. दरम्यान, उपचार सुरु असलेल्या दोघांचा रुग्णालयात मृत्यू झाल्याची माहिती आहे.
याबाबतची प्राथमिक माहिती अशी की, शेकटा गावाजवळ चालकाचे नियंत्रण सुटल्याने औरंगाबादवरून जालन्याकडे जाणारी एक भरधाव कार दुभाजकावर आदली. कारचा वेग जास्त असल्याने कार दुभाजकावर चढून रस्ताच्या विरुद्ध दिशेला गेली. याच दरम्यान, जालन्याकडून औरंगाबादकडे निघालेल्या एका अपेरिक्षावर कार आदळली. यात अपेरिक्षा चकनाचूर झाला असून यातील चारजण जागीच ठार झाले आहेत. मृतांमध्ये दोन पुरुष, एक महिला व एका लहान मुलाचा समावेश आहे. दिनेश रामलाल जाधव (३२ ) , रेणुका दिनेश जाधव (२६ ) , वंदना गणेश जाधव (२८ ) , सोहम गणेश जाधव (९ ) अशी मृतांची नावे असून सर्वजण जालना येथील रहिवासी आहेत. दरम्यान, उपचार सुरु असताना अतुल गणेश जाधव (६महीने),कारमधील संजय हरकचंद बिलाल या दोघांचा रुग्णालयात मृत्यू झाल्याची माहिती आहे.