छत्रपती संभाजीनगर : जिल्हाधिकारी दिलीप स्वामी यांच्या नावे सोशल मीडियात बनावट खाते तयार केल्याचा प्रकार समोर येताच प्रशासनाने मंगळवारी सायबर पोलिस ठाण्याचे निरीक्षक सोमनाथ जाधव यांच्याकडे तक्रार दिली. जाधव यांनी सांगितले, जिल्हाधिकाऱ्यांच्या नावाने बनावट खातेधारकाविरोधात कारवाईचा तक्रार अर्ज आला आहे.
संबंधित खातेधारकाची लिंक व इतर माहिती ‘मेटा’ कंपनीला कळविली असून, पूर्ण तपशील मागविला आहे. तसेच बोगस खाते उघडणाऱ्याच्या मोबाइल क्रमांकावरूनही माहिती काढल्यानंतर गुन्हा दाखल करण्यात येईल. अलीकडच्या काळात सनदी अधिकाऱ्यांच्या नावे सोशल मीडियात बोगस खाते उघडून पैशांची मागणी करण्याचे प्रकार समोर येत आहेत.
धाराशिवचे तत्कालीन जिल्हाधिकारी कौस्तुभ दिवेगावकर यांच्या नावाने अनेक बोगस खाते उघडून पैशांची मागणी केली होती. तत्कालीन जिल्हाधिकारी सुनील चव्हाण, आस्तिककुमार पांडेय यांच्यानंतर आता जिल्हाधिकारी स्वामी यांच्या नावाने सोशल मीडियात बनावट खाते उघडून पैसे मागण्यात आले.
Web Summary : A fake social media account surfaced using Collector Dilip Swami's name. Police are investigating, seeking details from Meta to identify the culprit. Similar scams targeting officials have occurred before, involving demands for money. Authorities are taking action.
Web Summary : जिलाधिकारी दिलीप स्वामी के नाम से सोशल मीडिया पर फर्जी खाता सामने आया। पुलिस जांच कर रही है, मेटा से जानकारी मांगी जा रही है। पहले भी अधिकारियों को निशाना बनाकर ऐसे घोटाले हुए हैं, जिनमें पैसे की मांग की गई थी।