पैठण : संतांची भूमी आणि दक्षिण काशी म्हणून ओळख असलेली पैठण नगरी नाथषष्ठी सोहळ्यामुळे भक्तिमय वातावरणात न्हाऊन निघाली आहे. सोमवारपासून सुरू झालेल्या या सोहळ्यासाठी राज्यासह देशाच्या विविध भागांतून लाखो वारकरी पैठणमध्ये दाखल झाले असून, नाथांच्या नगरीत अभंग, टाळ-मृदंग आणि हरिनामाच्या गजराने वातावरण दुमदुमून गेले आहे.
सोमवारी संत एकनाथ महाराज मंदिरात पारंपरिक पद्धतीने शासकीय महापूजा संपन्न झाल्यानंतर सायंकाळी शेकडो दिंड्यांनी वारकऱ्यांसह पैठण नगरीची प्रदक्षिणा घालत भक्तीची अनोखी परंपरा जपली. संतांच्या विचारांचा जागर आणि वारकरी संप्रदायाची एकजूट यामुळे संपूर्ण शहर भक्तिरसात न्हाऊन निघाले. मंगळवारी संत एकनाथ महाराज मंदिर संस्थानच्या वतीने गोदावरीच्या वाळवंटात विसावलेल्या विविध दिंड्यांच्या पाड्यांवर जाऊन दिंडी प्रमुखांचा सत्कार करण्यात आला. संस्थानचे अध्यक्ष तथा आमदार विलास भुमरे यांनी वारकऱ्यांच्या भेटी घेत स्वागत केले आणि दिंडी प्रमुखांचा गौरव केला.
याप्रसंगी नगराध्यक्ष विद्या भूषण कावसानकर, उपनगराध्यक्ष तुषार पाटील, संस्थानचे कार्यकारी विश्वस्त बाजीराव केशवराव बारे, विश्वस्त तथा अप्पर जिल्हाधिकारी संभाजी अडकुने, विश्वस्त प्रा. डॉ. गणेश मोहिते, हभप. विठ्ठल चनघटे महाराज, विश्वस्त राघोबा शाखा तसेच नाथ वंशज हभप रघुनाथ बुवा महाराज गोसावी आदी मान्यवर उपस्थित होते. तसेच मुख्याधिकारी डॉ. पल्लवी अंभोरे, उपमुख्याधिकारी सोमनाथ गरजे यांनी शहरातील विविध ठिकाणी भेटी देत वारकऱ्यांच्या सोयी-सुविधांची पाहणी केली.
Web Summary : Paithan's Nath Shashti 2026 sees lakhs of Warkaris immersed in devotion. The air resonates with chants and traditional music as devotees gather, continuing the age-old tradition with prayers and community feasts. The city welcomes all with open arms.
Web Summary : पैठण में नाथ षष्ठी 2026 में लाखों वारकरी भक्ति में डूबे हुए हैं। शहर प्रार्थना और सामुदायिक भोज के साथ पुरानी परंपरा को जारी रखते हुए, भक्तों के इकट्ठा होने पर मंत्रों और पारंपरिक संगीत से गूंज रहा है। शहर सभी का खुले हाथों से स्वागत करता है।