छत्रपती संभाजीनगर : थकबाकीदार ग्राहकांचा वीजपुरवठा खंडित करण्याची ‘मिशन नाइन्टी डेज' ही मोहीम महावितरणने नवीन वर्षाच्या पहिल्या दिवसापासून सुरू केली आहे. आर्थिक वर्ष संपेपर्यंत आगामी ९० दिवस चालणाऱ्या या मोहिमेत वीज बिल वसुलीबरोबरच वीजचोरांवरही धडक कारवाई केली जाणार आहे. गुरुवारी दिवसभरात शहरातील २६६ वीज ग्राहकांचा वीजपुरवठा तात्पुरता खंडित करण्यात आला, तर २८८ जणांचे मीटर काढून कायमस्वरूपी वीजपुरवठा खंडित करण्यात आला.
या मोहिमेत अभियंता आणि तांत्रिक कर्मचाऱ्यांसह परिमंडळातील विविध कार्यालयांत कार्यरत अधिकारी व कर्मचारीही तैनात करण्यात आले आहेत. शहरातील शहागंज उपविभागात गुरुवारी शहागंजसह क्रांती चौक व पॉवर उपविभाग, छावणी उपविभागात छावणी, वाळूज व गारखेडा उपविभाग आणि चिकलठाणा उपविभागात सातारा, चिकलठाण्यासह सिडको उपविभागाच्या अधिकारी, कर्मचाऱ्यांनी मोहीम राबवली.
मुख्य अभियंता पवनकुमार कछोट, अधीक्षक अभियंता मनीष ठाकरे यांनीही मोहिमेत सक्रिय सहभाग घेतला. चिकलठाणा व शहागंज उपविभागातील काही थकबाकीदारांचा वीजपुरवठा त्यांच्या उपस्थितीत कायमस्वरूपी खंडित करण्यात आला.
Web Summary : Mahavitaran's 'Mission Ninety Days' began on New Year's Day, targeting electricity bill defaulters and power theft. 266 connections were temporarily cut and 288 meters permanently disconnected in Chhatrapati Sambhajinagar. Officials actively participated, cutting power to defaulters.
Web Summary : महावितरण का 'मिशन नाइनटी डेज' नए साल के दिन शुरू हुआ, जिसका लक्ष्य बिजली बिल चूककर्ताओं और बिजली चोरी को रोकना है। छत्रपति संभाजीनगर में 266 कनेक्शन अस्थायी रूप से काटे गए और 288 मीटर स्थायी रूप से हटा दिए गए। अधिकारियों ने सक्रिय रूप से भाग लिया।