छत्रपती संभाजीनगर: अर्थमंत्री तथा उपमुख्यमंत्री देवेंद्र फडणवीस यांनी आज विधानसभेत राज्याचा अर्थसंकल्प मांडला. यात मराठवाड्यासाठी इंक तरतुदी करण्यात आल्या आहेत. दुष्काळ निवारणासाठी नदीजोड प्रकल्प, छत्रपती संभाजीनगरमध्ये क्रीडा विद्यापीठ, रेल्वे प्रकल्पांमध्ये राज्याचा अर्धा हिस्सा, मराठवाड्यातून जाणारा नागपूर ते गोवा शक्तीपीठ मार्ग, पर्यटनस्थळांना भरीव निधींची तरतूद यात करण्यात आल्याचे अर्थमंत्री फडणवीस यांनी केल्याचे सांगितले. एकूणच मराठवाड्यातील पायाभूत सुविधेसह वैद्यकीय शिक्षण, दुष्काळ निवारण, विमानतळासाठी तरतूद करण्यात आली आहे.
असे असतील नदीजोड प्रकल्प...:- दमणगंगा-पिंजाळ नदीजोड प्रकल्प राज्य निधीतून- नार-पार, अंबिका, औरंगा, दमणगंगा, वैतरणा, उल्हास नद्यांच्या उपखोर्‍यातील पाणी वापरणार- मुंबई, गोदावरी खोर्‍यातील तूट भरून काढण्यासाठी पाणी वापरणार- मराठवाडा तथा उत्तर महाराष्ट्रातील नाशिक, नगर, जळगावला लाभ तापी महापुनर्भरण प्रकल्प, कृष्णा-मराठवाडा सिंचन प्रकल्प:- पश्चिम विदर्भ आणि उत्तर महाराष्ट्रासाठी तापी महापुनर्भरण प्रकल्प- केंद्र सरकारकडे पाठपुरावा करणार- कृष्णा-मराठवाडा सिंचन प्रकल्पांतून धाराशिव, बीड जिल्ह्यांतील 133 गावांना सिंचन लाभ- या प्रकल्पासाठी 11,626 कोटी रुपयांना सुधारित प्रशासकीय मान्यता
मराठवाडा वॉटरग्रीडचा प्रस्ताव केंद्र सरकारच्या मंजुरीसाठी- मराठवाडा वॉटरग्रीडचे प्रस्ताव केंद्र सरकारकडे मान्यतेला- छत्रपती संभाजीनगर जिल्ह्यातील गंगापूर, वैजापूर, पैठण तालुक्यांना जायकवाडी धरणातून पाणी- बीड, लातूर जिल्ह्यांसाठी जायकवाडी, माजलगाव, उर्ध्वमनार धरणातून पाणी- धाराशिव जिल्ह्यासाठी उजनी, सीना कोळेगाव, निम्नतेरणा धरणातून धरणातून पाणी
पायाभूत सुविधा...समृद्धी अन् शक्तिपीठ महामार्ग....- हिंदूहृदयसम्राट बाळासाहेब ठाकरे महाराष्ट्र समृद्धी महामार्गाचा विस्तार, सिंदखेडराजा नोड ते शेगावपर्यंत चौपदरी रस्ता- पवनार (वर्धा) ते पात्रादेवी (सिंधुदुर्ग) महाराष्ट्र शक्तिपीठ महामार्ग/86,300 कोटी रुपये (नागपूर-गोवा)(माहूर, तुळजापूर, कोल्हापूर, अंबेजोगाई ही शक्तीपीठे, औंढा नागनाथ, परळी वैजनाथ ही दोन ज्योर्तिलिंग, नांदेड गुरुद्वारा, पंढरपूर, कारंजा लाड, अक्कलकोट, गाणगापूर, नरसोबाची वाडी, औदुंबर जोडले जाणार)- या महामार्गाचा हिंगोली, नांदेड, परभणी, बीड, लातूर, धाराशिव, वर्धा, यवतमाळ, सोलापूर, सांगली, कोल्हापूर, सिंधुदुर्ग जिल्ह्यांना लाभ
रेल्वे प्रकल्प अन् बसस्थानकांचे आधुनिकीकरण- नाशिक-पुणे हायस्पीड रेल्वेला निधी- सोलापूर-तुळजापूर-धाराशिव ब्रॉडगेज : 84 कि.मी/452 कोटी रुपये- नांदेड-बिदर, फलटण-पंढरपूर, खामगाव-जालना, वरोरा-चिमूर-कांपा या 4 प्रकल्पांना 50 टक्के राज्यहिस्सा देणार- सेतूबंधनअंतर्गत राज्य रेल्वेफाटक मुक्त करण्यासाठी 25 नवीन उड्डाणपूल- 100 बसस्थानकांचे आधुनिकीकरण आणि पुनर्बांधणीसाठी सुमारे 400 कोटी
विमानतळांचा विकास...- शिर्डी विमानतळावर नवे प्रवासी टर्मिनल: 527 कोटी- छत्रपती संभाजीनगर विमानतळ भूसंपादनासाठी : 734 कोटी
राज्यात 14 शासकीय वैद्यकीय महाविद्यालयांची बांधकामे- राज्यात 14 ठिकाणी शासकीय वैद्यकीय महाविद्यालयांची बांधकामे करणार- सातारा, अलिबाग, सिंधुदुर्ग, धाराशिव, परभणी, अमरावती, भंडारा, जळगाव, रत्नागिरी, गडचिरोली, वर्धा, बुलढाणा, पालघर, अंबरनाथ (ठाणे)- मानसिक अस्वास्थ आणि व्यसनाधीनतेची वाढती समस्या पाहता जालना, भिवंडी, पुणे, नागपूर येथे नवीन व्यसनमुक्ती केंद्रे- ठाणे आणि कोल्हापुरात अत्याधुनिक मनोरुग्णालये/850 कोटी रुपये
पर्यटनाला चालना...- प्रत्येक जिल्ह्यातील 500 युवकांना जल, कृषी, कॅराव्हॅन, साहसी पर्यटन तसेच आदरातिथ्य क्षेत्राचे प्रशिक्षण- पैठण येथील संत ज्ञानेश्वर उद्यानाचा नागपूर फुटाळा तलावाच्या धर्तीवर विकास
सशक्त युवा....खेळांना प्रोत्साहन- खेळाडूंची कामगिरी उंचावण्यासाठी मिशन लक्षवेध- बालेवाडी पुणे येथे स्पोर्टस सायन्स सेंटर उभारणार- पुण्यानंतर आता छत्रपती संभाजीनगर येथे नवीन क्रीडा विद्यापीठ/50 कोटी रुपये देणार
महाराष्ट्राचे वैभव असलेल्या धार्मिक क्षेत्रांचा विकास- श्री संत सेवालाल महाराज स्मारक पोहरादेवी, उमरी तीर्थक्षेत्र विकास : 500 कोटी रुपये- भीमाशंकर, त्र्यंबकेश्वर, घृष्णेश्वर, औंढा नागनाथ, वैजनाथ या पाचही महाराष्ट्रातील ज्योर्तिंलिंगांसह प्राचीन मंदिरांच्या संवर्धनासाठी : 300 कोटी रुपये- श्री चक्रधर स्वामी महानुभाव संबंधित रिद्धपूर, काटोल, भिष्णूर, जाळीचा देव, पोहीचा देव, नांदेड, पांचाळेश्वर, पैठण विकासासाठी भरीव निधी- गहिनीनाथ गडाच्या संवर्धन-विकासासाठी : 25 कोटी रुपये
स्वातंत्र्याचा अमृतमहोत्सव स्मरण स्वातंत्र्यसमराचे...:- मराठवाडा मुक्ती संग्रामाच्या अमृत महोत्सवानिमित्त पुरेसा निधी