छत्रपती संभाजीनगर : वीज चोरांविरुद्ध महावितरणने राबवलेल्या धडक मोहिमेत वर्षभरात ४,६९८ वीज मीटरच्या तपासणीत ३,७०४ मीटरमध्ये वीज चोरी केल्याचे आढळले. यात ४ कोटी १७ लाख २१ हजार ३४४ युनिटच्या वीज चोरीप्रकरणी ३१ कोटी ९७ लाख ११ हजार रुपयांच्या अनुमानित वीजबिल दंडाच्या रकमेची आकारणी करण्यात आली होती. तर २८ कोटी ७९ लाख ४४ हजार रुपये वसूल करण्यात आले आहेत.
मराठवाड्यातील छत्रपती संभाजीनगर, जालना, परभणी, हिंगोली, नांदेड, लातूर, धाराशिव व बीड जिल्ह्यांत एप्रिल २०२३ ते ३१ मार्च २०२४ या आर्थिक वर्षात दक्षता व सुरक्षा अंमलबजावणी विभागामार्फत वीज चोरांविरुद्ध धडक मोहीम राबविली होती.
एकीकडे वीज चोरी तर जनतेला पूर्णत: वीज सुरळीत देत नसल्याने व स्मार्ट मीटरच्या बडग्याने मोर्चे महावितरणवर येत आहेत. तत्काळ बिघाडाकडेही लक्ष देण्याची मागणी ग्राहकांमधून कायम आहे.
वीज चोरीची रक्कम लाख रुपयांमध्ये पुढीलप्रमाणेवीज चोरी पथक ------ वीज ग्राहक ------ चोरीची रक्कमछत्रपती संभाजीनगर शहर -- ७४४ --- ६६०.०६छत्रपती संभाजीनगर ग्रामीण ---- ३४९ --- ३२५.३६जालना ---------४४० ---------४३८.९७छत्रपती संभाजीनगर परिमंडळ --- १,५३३ ----------१४२४.३९बीड ---२७९ --- २७८.५४धाराशिव ---२५१ --------३०१.८४लातूर -----३६८ ----------३४५.५८लातूर परिमंडळ ----८९८ ------------- ९२५.९६नांदेड --------------- ३१३ --------------२०३.९९हिंगोली -------२७१ ------------२०४.०२परभणी ------६८९ --------४३८.७५नांदेड परिमंडळ -----१,२७३ ---८४६.७६मराठवाडा एकूण -- ३,७०४ ----- ३,१९७.११
अधिकृत वीज कनेक्शन घ्या; अन्यथा दंडात्मक कारवाईवीज चोरी पकडण्याची मोहीम यापुढेही चालू राहणार आहे. अनधिकृत विजेचा वापर करू नये. अनधिकृतपणे विजेचा वापर करताना आढळल्यास कडक कारवाई करण्याचे आदेश देण्यात आले आहेत. वीज ग्राहकांनी अधिकृत वीज जोडणी घेऊनच विजेचा वापर करावा.- राहुल गुप्ता, सहव्यवस्थापकीय संचालक, महावितरण प्रादेशिक कार्यालय